Uyushgan jinoyatchilikka qarshi kurashish yo‘nalishida DXX va IIV organlari tomonidan o‘tkazilgan tezkor-qidiruv tadbirlari davomida Toshkent viloyatining Chirchiq shahrida o‘zlarini qonundan ustun qo‘yib, ko‘cha yechimi va bezorilik bilan shug‘ullangan bir guruh shaxslar qo‘lga olinib, ularga nisbatan jinoyat ishi qo‘zg‘atildi. Bu haqda DXX xabar berdi. Quyidagi shaxslar umume’tirof etilgan xulq-atvor normalari va jamiyatda o‘rnatilgan yurish-turish qoidalarini mensimasdan, oshkora ravishda jamoat tartibini buzib, bezoriliklar sodir etishgan. Fuqarolarga ruhiy va jismoniy bosim o‘tkazish orqali pul topish bilan shug‘ullanishgan:

Saidov Ikrom Erkinovich, 1988-yilda Buxoro viloyatida tug‘ilgan, muqaddam Jinoyat Kodeksining 277-moddasi bilan sudlangan;

Saidov Islom Erkinovich, 1990-yilda Buxoro viloyatida tug‘ilgan, muqaddam Jinoyat Kodeksining 267-moddasi bilan sudlangan;

Baizbayev Umidjon Zafar o‘g‘li, 1998-yilda Toshkent viloyatida tug‘ilgan;

Rustamov A’zamjon Mansurovich, 2001-yilda Buxoro viloyatida tug‘ilgan;

Suponov Qurbonali Nosirovich, 2002-yilda Navoiy viloyatida tug‘ilgan;

Farmonov Mirzoxid Shuxratovich, 1988-yilda Qashqadaryo viloyatida tug‘ilgan.

“Hurmatli fuqarolar! Agarda siz ushbu shaxslarning noqonuniy harakatlaridan jabr ko‘rgan bo‘lsangiz DXXning 1520 yoki IIVning 102 qisqa raqamlariga qo‘ng‘iroq qilishingiz mumkin”, – deyiladi xabarda.

• Chirchiq
• DXX
• IIV
• Toshkent viloyati