Farg‘onada mingga yaqin ishtirokchini jamlagan Media forum tashkil etildi. Unda yangi media loyihalar, kreativ tashabbuslar hamda axborot makonida samarali ishlashga qaratilgan innovatsion yechimlar taqdim etildi.

Tadbir OAV uchun Kontent tayyorlash markazi, Yoshlar ishlari agentligi hamda O‘zbekiston Jurnalistlar uyushmasi hamkorligida tashkil etildi.

Media forum doirasida jurnalistlar, blogerlar, SMM mutaxassislari, mobilograflar, matbuot kotiblari va yosh ijodkorlar o‘zaro tajriba almashib, media sohasining bugungi holati va istiqboldagi rivojlanish yo‘nalishlari yuzasidan fikr bildirdi.

Tadbir yakunida Media haftalik doirasidagi trening va seminarlarda faol qatnashgan ishtirokchilar sertifikatlar bilan taqdirlandi.

Forum nafaqat yakuniy sarhisob, balki yangi media g‘oyalari va istiqbolli hamkorliklar uchun muhim muloqot maydoniga aylandi.