Toshkent shahrida transport muammolarini yengillashtirish maqsadida qariyb 100 kilometr uzunlikdagi pulli halqa yo‘li qurilishi muhokama qilinmoqda. Shuningdek, yangi xalqaro aeroportga olib boruvchi magistral pulli yo‘l barpo etish imkoniyati ham ko‘rib chiqilmoqda.

Mazkur loyihalar Toshkent shahar hokimi hamda Xitoyning China Railway Construction Corporation kompaniyasi rahbariyati o‘rtasidagi uchrashuvda muhokama qilindi. Unda shahar transport infratuzilmasini rivojlantirish, tirbandliklarni kamaytirish va zamonaviy yo‘l tizimini joriy etish masalalari ko‘rib chiqildi.

Shuningdek, uchrashuvda shaharni kompleks renovatsiya qilish, ekologik talablarga javob beradigan qurilish ishlarini amalga oshirish hamda chiqindilarni qayta ishlash bo‘yicha loyihalar ham muhokama qilindi.