Tailand Fuqaro aviatsiyasi boshqarmasi (CAAT) samolyot bortlarida poverbanklardan foydalanishni taqiqladi. Endilikda yo‘lovchilar parvoz vaqtida telefon va boshqa qurilmalarni poverbank orqali quvvatlay olmaydi.

Yangi qoidalarga ko‘ra, poverbanklar faqat qo‘l yukida tashilishi mumkin. Ularni bagajga topshirish taqiqlanadi. Har bir yo‘lovchi o‘zi bilan ko‘pi bilan ikkita batareya olib chiqishi mumkin.

Mazkur cheklovlar litiy-ion batareyalarning qizib ketishi va yong‘in xavfi bilan bog‘liq hodisalardan so‘ng joriy etildi.