31°
Kechasi 18°
Forum 16–18-iyun kunlari Toshkent shahrida bo‘lib o‘tadi hamda dunyoning turli mamlakatlaridan yetakchi investorlar, xalqaro biznes vakillari, moliya institutlari va davlat tashkilotlari vakillarini bir maydonga jamlaydi.
Toshkent xalqaro investitsiya forumi 2026-yilda bo‘lib o‘tadigan yubiley 5-TIIF 2026 rasmiy homiylarini taqdim etadi. Forum 16–18-iyun kunlari Toshkent shahrida bo‘lib o‘tadi hamda dunyoning turli mamlakatlaridan yetakchi investorlar, xalqaro biznes vakillari, moliya institutlari va davlat tashkilotlari vakillarini bir maydonga jamlaydi.
Forumning yirik xalqaro va milliy kompaniyalar tomonidan qo‘llab-quvvatlanishi O‘zbekistonning investitsiyaviy salohiyatiga bo‘lgan yuksak ishonchni namoyon etadi hamda TIIFning Markaziy Osiyodagi yetakchi investitsiya maydonlaridan biri sifatidagi ahamiyati tobora ortib borayotganini tasdiqlaydi.
TIIF 2026’ning Platinum homiylari qatoridan Acwa, Vision Invest, Wildberries va Uzum o‘rin olgan. Ushbu kompaniyalar o‘z sohalarida yetakchi hisoblanib, energetika, raqamli iqtisodiyot, elektron tijorat va investitsiyalar yo‘nalishlaridagi yirik loyihalarni amalga oshirishda faol ishtirok etmoqda.
Forumning Gold homiylari sifatida NRG BI Group, OTP Bank Uzbekistan (Ipoteka Bank OTP Group) va UET Group qatnashmoqda. Ularning ishtiroki moliyaviy infratuzilma, investitsion konsalting, sanoat qurilishi va tadbirkorlikni qo‘llab-quvvatlash yo‘nalishlarini rivojlantirishga investorlarning qiziqishidan dalolat beradi.
AMEA Power va Cengiz Energy kompaniyalari Forumning Silver homiylari sifatida ishtirok etmoqda. Ushbu kompaniyalar energetika sohasini rivojlantirish hamda zamonaviy infratuzilma loyihalarini amalga oshirishga salmoqli hissa qo‘shib kelmoqda.
Homiylarning ko‘magi tufayli Forum davlat, investorlar va biznes vakillari o‘rtasidagi samarali muloqot maydoni sifatidagi o‘rnini mustahkamlashda davom etmoqda. Bu esa investitsiyalarni jalb etish, xalqaro hamkorlikni kengaytirish va yangi investitsiya tashabbuslarini amalga oshirishga xizmat qiladi.
TIIF 2026 istiqbolli loyihalarni muhokama qilish hamda O‘zbekiston va butun mintaqaning iqtisodiy rivojlanishiga qaratilgan yangi aloqalarni o‘rnatish uchun muhim platforma bo‘lib xizmat qiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
