Abduqodir Husanov tezlik bo‘yicha Kilian Mbappeni ortda qoldirdi.

FIFA Klublar o‘rtasidagi jahon chempionati guruh bosqichining 1-turidan so‘ng maydonda eng yuqori tezlik qayd etgan futbolchilar reytingi e’lon qilindi. Kuchli uchlikdan O‘zbekiston milliy jamoasi himoyachisi Abduqodir Husanov ham joy oldi.

BBC tomonidan taqdim etilgan ma’lumotlarga ko‘ra, Husanov dastlabki uchrashuvda soatiga 36,5 kilometr tezlikka erishgan. Bu natija bilan u 36,7 km/soat ko‘rsatkich qayd etgan avstraliyalik Jordan Bosdan keyingi o‘rinni egalladi hamda norvegiyalik yulduz hujumchi Erling Holand bilan bir xil natija qayd etib, 2–3-o‘rinlarni bo‘lishib turibdi.

Reytingda o‘zbekistonlik himoyachi Janubiy Koreya vakili Son Hyon Min (35,2 km/soat) hamda Fransiya terma jamoasi forvardi Kilian Mbappe (35,1 km/soat)ni ortda qoldirgani bilan ham e’tibor qozondi.

JCh–2026: 1-turdan keyingi eng tezkor futbolchilar ro‘yxati:

Jordan Bos (Avstraliya) — 36.7 km/soat;

Erling Holand (Norvegiya) — 36.5 km/soat;

Abduqodir Husanov (O‘zbekiston) — 36.5 km/soat;

Muhammad Ture (Avstraliya) — 35.8 km/soat;

Rayan Gravenberx (Niderlandiya) — 35.6 km/soat;

Alan Minda (Ekvador) — 35.5 km/soat;

Son Hyon Min (Janubiy Koreya) — 35.2 km/soat;

Hed Spens (Angliya) — 35.2 km/soat;

Kilian Mbappe (Fransiya) — 35.1 km/soat;

Pedru Netu (Portugaliya) — 34.8 km/soat.

• Abduqodir Husanov
• Futbol
• Jahon chempionati
• Mbappe
• Tezlik
• reyting