Joriy yil 23-mart kuni Vladimir Putin Rossiya gazni “do‘stona bo‘lmagan mamlakatlar”ga yetkazib berish uchun to‘lovlarni rublga o‘tkazayotganini, Rossiya mahsulotlari Yevropa Ittifoqi va AQShga yetkazib berish va to‘lovni ularning valyutasida olish maʼnosiz ekanini aytgan edi.
Bugun, 28-mart kuni Germaniya Iqtisodiyot vaziri Robert Xabek matbuot anjumani chog‘ida “katta yettilik” davlatlari Rossiya gazi uchun rublda to‘lash talablarini qabul qilmasligini maʼlum qildi.
Uning taʼkidlashicha, “Katta yettilik” davlatlari turli ssenariylarga, jumladan, Rossiya gazi yetkazib berilishining to‘xtatilishiga ham tayyor.
Germaniya Iqtisodiyot vaziri G7 davlatlari Rossiyadan gaz yetkazib berishning mumkin bo‘lgan to‘xtatilishiga qanday munosabatda bo‘lishi haqidagi savolga qisqacha qilib: “biz barcha ssenariylarga tayyormiz”, deb javob bergan.
Uning so‘zlariga ko‘ra, bu masala G7 davlatlari iqtisod vazirlarining dushanba kuni bo‘lib o‘tgan yig‘ilishida qisqacha muhokama qilingan. Jumladan, vazirlar Rossiya gaziga embargo qo‘yish bo‘yicha ham fikr almashgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!