Sirdaryo viloyatining Guliston shahrida yashovchi Maqsuda Karimova oilasida 3 egizak farzand dunyoga keldi.

Maʼlum boʻlishicha, 35 yoshli Maqsudaxon bir muddat avval Guliston shahar tibbiyot birlashmasining akusherlik kompleksiga yotqizilgan.

Bu yerda tugʻruq jarayoni mahoratli shifokorlar nazorati ostida muvaffaqiyatli amalga oshirilgan. Natijada bir yoʻla uch egizak qizaloq — Fotimaxon 2,2 kg, Zuhraxon 2,5 kg, Zahroxon 2,2 kg vazn bilan dunyoga kelgan.

Keltirilishicha, ayni paytda onaning ham, chaqaloqlarning ham salomatligi yaxshi. Tajribali mutaxassislar nazorati ostida parvarish jarayoni davom ettirilmoqda.

Qayd etilishicha, Maqsuda Karimova egizaklardan tashqari yana 3 nafar farzandning onasi hisoblanadi.

• SSV
• Sirdaryo
• egizaklar