Shvetsiya parlamenti kelasi yil dasturi uchun ovoz berishni rejalashtirmoqda. Maʼlumki, davlat tepasiga kelgan nomzod o‘z boshqaruv dasturini taqdim qiladi.
Hozirda Shvetsiya Moliya vaziri sifatida faoliyat olib borayotgan Magdalena Andersson bosh vazirlikka nomzod vakil hisoblanadi. U sotsial-demokratlarning yangi rahbari sifatida tasdiqlanganidan so‘ng qator uchta siyosiy ustuvorlikni amalga oshirmoqchi. Jumladan, maktablar, sog‘liqni saqlash va qariyalarga g‘amxo‘rlikni yana-da kuchaytiradi. Shuningdek, u Shvetsiyani iqlim o‘zgarishdagi holatini dunyo miqyosida namunaga aylantirishni maqsad qilganini aytdi va so‘nggi yillarda mamlakatda sodir bo‘lgan otishmalar, portlashlarni tugatishga vaʼda berdi.
Nomzod saylovda yetarlicha qo‘llab-quvvatlashga erishish uchun 1 hafta muhlat olganligi aytilmoqda. Lekin Shvetsiya Markaz partiyasining aʼzolari Anderssonga qarshi ovoz berish bo‘yicha betaraf qolishlarini taʼkidlashgan. Shvetsiya Konstitutsiyasiga ko‘ra, bosh vazirlar parlamentdagi kamida 175 deputatlar qarshi bo‘lmasa, davlatni boshqarishi mumkin. Magdalena Andersson esa o‘z ittifoqdoshlarini yig‘ish uchun harakatni boshlagan.
Shuni aytish lozimki, Shvetsiyada hech qachon bosh vazir ayol bo‘lmagan. Bu holat hozirgacha Daniya, Norvegiya, Finlandiya va Islandiyada kuzatilgan xolos.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!