37°
Kechasi 24°
O‘zbekiston Respublikasining Olmaota shahridagi (Qozog‘iston Respublikasi) Bosh konsulligi maʼlumotlariga ko‘ra, joriy yilning 12-may kuni Jambil viloyatida yo‘lovchi avtobusi ishtirokida YTH sodir bo‘lgan.
Vzirlik bergan maʼlumotga ko‘ra, Nukus-Olmaota yo‘nalishi bo‘yicha harakatlanayotgan avtobusda 53 nafar yo‘lovchi, jumladan, 47 nafar O‘zbekiston Respublikasi fuqarosi bo‘lgan. Hodisa oqibatida 2 nafar O‘zbekiston fuqarosi halok bo‘lgan.
Ayni paytda 16 nafar o‘zbekistonlik tuman kasalxonasida, jumladan, 2 nafari jonlantirish bo‘limida yotibdi.
O‘zbekistonning Olmaotadagi Bosh konsulligi huzurida jabrlanganlarga yordam ko‘rsatishni tashkil etish bo‘yicha shtab tuzilgan. Diplomatlar voqea joyiga borishgan.
“Vaziyat Bosh konsullik nazorati ostida. Huquqni muhofaza qilish organlari va tibbiyot muassasalari bilan aloqa o‘rnatish ishlari olib borilmoqda. Halok bo‘lganlarning jasadlarini vataniga olib borishning tashkiliy masalalari hal etilyapti”, – deyiladi xabarda.
Xabardor.uz halok bo‘lganlarning oila aʼzolari va yaqinlariga chuqur hamdardlik bildiradi.
Holat bo‘yicha O‘zbekiston Respublikasining Olmaota shahridagi Bosh konsulligining +77779504422 yoki +77779504433 raqamlari orqali murojaat qilishingiz mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
