Buyuk Britaniya bosh vaziri Boris Jonsonning koronavirus pandemiyasi paytida Dauning-stritdagi ofisida ziyofat uyushtirgani bilan bog‘liq suratlari e’lon qilindi. Bu haqida The Evening Standard nashri xabar bermoqda.
Xususan, jurnalistlar hukumat rahbari devonining sobiq va hozirgi xodimlari bilan muloqot qilishga muvaffaq bo‘lgan. Ularning so‘zlariga ko‘ra, shov-shuvli kechalar “Sharob jumalari” (Wine-time Fridays) deb nomlangan. Ta’kidlanishicha, ish haftasining oxirida xodimlarga soat 16:00 dan boshlab spirtli ichimliklarni iste’mol qilishga ruxsat berilgan.
Suratda tasvirlanganidek, bunday tadbirlarni tashkil etishda Jonsonning o‘zi bevosita ishtirok etgan. Guvohlarning aytishicha, bosh vazir jamoani xursand qilishni xohlagan, shuning uchun u xodimlarga ish joyida dam olishga ruxsat bergan.
Ma’lumotlarga ko‘ra, suratlarda bosh vazirning 2020-yil 13-noyabr kuni ziyofatda ichimlik ichayotgani tasvirlangan. shuningdek, tadbir ishtirokchilari unga yaqin joyda turishibdi va Jonson qo‘lida stakan ko‘targan holda rasmga tushgan, uning yonida spirtli ichimliklar shishalari ham bor.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!