Joriy yilning 4–5-iyun kunlari Xiva shahrida “Pakhlavon Mahmud — Strongmen Games” II Xalqaro turniri boʻlib oʻtadi.

Musobaqada Oʻzbekistondan tashqari Yaponiya, Rossiya, Braziliya, Italiya, Yangi Zelandiya, Ispaniya, Fransiya, Islandiya, Eron, Hindiston, Polsha, Tojikiston, Ozarbayjon hamda Qozogʻiston davlatlaridan sportchilar va hakamlar ishtirok etadi.

Ushbu xalqaro turnir Oʻzbekiston Turizm va Madaniy meros vazirligi, Butunjahon Bahodirlar oʻyini federatsiyasi va Oʻzbekiston Bahodirlar oʻyinlari va tosh koʻtarish federatsiyasi hamkorligida tashkil etilmoqda.

Mazkur tadbirning oʻtkazilishi sport turizmini rivojlantirish, nufuzini oshirish, Oʻzbekistonning sayyohlik salohiyati va imkoniyatlarini jahon miqyosida keng targʻib qilish boʻyicha xalqaro hamkorlikni kengaytirishga xizmat qiladi, shuningdek, sogʻlom turmush tarzini targʻib qilish va yoshlarning turizmga qiziqishini ragʻbatlantirishga xizmat qiladi.

Xalqaro turnir Markaziy Osiyo mamlakatlari, Eron, Ozarbayjon, Afgʻoniston va Hindistonda yengilmas qahramon, mashhur pedagog, faylasuf, soʻfiy olim boʻlgan oʻzbek xalqining buyuk farzandi Paxlavon Mahmud xotirasiga bagʻishlanadi.

Qayd etish mumkin, “Paxlavon Mahmud – Strongmen Games” sport orqali islomiy ziyorat turizmini targʻib qiluvchi dunyodagi yagona xalqaro turnirdir.

• O‘zbekiston
• Xiva