Shu kunlarda velosport boʻyicha Oʻzbekiston terma jamoasi aʼzolari Tailandda velotrek boʻyicha boʻlib oʻtayotgan Osiyo kubogi bahslarida ishtirok etishmoqda. 

Kecha boʻlib oʻtgan musobaqaning ilk kunida ishtirokchilar jamoaviy poyga bahslarida oʻzaro kuch sinashishdi.

Ayollar oʻrtasidagi jamoaviy bahslarda Yanina Kuskova, Margarita Misyurina, Nafosat Kozieva hamda Shahnoza Abdullaevalardan iborat jamoamiz yakunda 1-oʻrinni egallashdi.

Final poygasida ular 4 km masofani 3:40,719 daqiqada bosib oʻtishdi va tailandlik qizlardan 10 soniyaga oʻzib ketishgan holda oltin medalga sazovor boʻldi.

Erkaklar oʻrtasida Aleksey Fomovskiy, Dmitriy Bocharov, Daniil Yevdokimov va Botirjon Ismatovlar kvarteti 3-oʻrin uchun kechgan bahsda Tailand terma jamoasini ortda qoldirdi.

Yigitlar belgilangan masofani 4:23,687 daqiqa ichida bosib oʻtishdi va bu koʻrsatkich bilan ular raqiblarini 4 soniyaga ortda qoldirishga muvaffaq boʻldi.

Maʼlumot uchun, 26-avgustda boshlangan musobaqa 30-avgustga qadar davom etadi.

• Osiyo
• O‘zbekiston
• Velosport