Turkiyada nogiron-amputantlar o‘rtasidagi mundial davom etmoqda.

O‘zbekiston TJ ilk turda Yevro-2021 bronza medali sohibi Polshani 3:1, 2-turda esa Yevropa vitse-chempioni Ispaniyani yirik (3:0) hisobda mag‘lub etgan holda “E” guruhidan birinchi o‘rin bilan 1/8 finalga yo‘l olgan edi.

Rustam Mehmonov boshchiligidagi jamoa keyingi bosqichda A/B/C/D kvartetlarida uchinchi bo‘lgan jamoalardan biri raqiblik qiladi.

Bugun, 3-oktyabr kuni musobaqaning guruh bosqichi o‘z yakuniga yetadi.

O‘zbekiston terma jamoasi guruh autsayderi Tanzaniyaga qarshi bahs olib boradi. Uchrashuv Toshkent vaqti bilan 13:00 da start oladi.

Qayd etish mumkin, guruh bosqichida 1/8 finalga 1-2-o‘rin egalari (12 ta) hamda 3-o‘rinni qo‘lga kiritgan eng yaxshi 4 jamoa yo‘l oladi.

Hozirda “A” guruhida Liberiya (0 ochko), “B” guruhida Kolumbiya (1 ochko), “C” guruhida Angliya (3 ochko) hamda “D” guruhida Marokash (3 ochko) uchinchi pog‘onada turibdi.

Rustam Mehmonov shogirdlari 1/8 finallan muvaffaqiyatli o‘tsa, chorak finalda “D” guruhi g‘olibi (hozircha Eron) hamda “F” guruhida (hozircha Italiya) 2-bo‘lgan jamoa o‘rtasidagi uchrashuvda muvaffaqiyat qozongan ishtirokchiga qarshi to‘qnash keladi.

Ma’lumot o‘rnida, 3-tur oldidan O‘zbekiston bilan birga amaldagi jahon chempioni Angola, Yaponiya, Gaiti hamda mezbon Turkiya keyingi bosqich masalasini hal qilib qo‘ygan.

Hozirda, guruhlardagi vaziyat shunday ko‘rinish olgan.

• Futbol
• Jahon chempionati
• Nogiron-amputantlar
• O‘zbekiston
• Turkiya