“Roma” hujumchisi Eldor Shomurodov rimliklar safini tark etishga yaqin turibdi.

Janluka di Marsio xabariga koʻra, oʻzbekistonlik futbolchi uchun “Lill” klubi ham kurashga qoʻshilgan. Fransuz klubi “Roma”ga Shomurodov boʻyicha taklif bilan chiqishga hozirlik koʻrmoqda. Qayd etilishicha, “Lill” transfer uchun 13–14 million yevro ajratishga tayyor

Avvalroq 27 yoshli futbolchining “Torino”ga transferi boʻyicha muzokaralar toʻxtab qolgani haqida xabar qilingan edi. 

Boisi, jamoalar transfer borasida kelisha olmayapti: rimliklar Eldorni toʻliq transfer qilishni istayapti, Turin klubi esa uni ijaraga olmoqchi.

Shomurodovning oʻzi ham A Seriyada qolishni maʼqul koʻryapti. Biroq “Roma”ning xohishi fonida fransuz jamoasi futbolchi uchun asosiy favoritlardan biriga aylanadi.

• Eldor Shomurodov
• Futbol
• Transferlar