2023-yilda Toshkentda boʻlib oʻtadigan erkaklar oʻrtasidagi jahon chempionatiga bugungacha boykot qilingan mamlakatlar soni 12 tani tashkil etmoqda.

Avvalroq, AQSh, Polsha, Shveysariya, Niderlandiya, Irlandiya, Chexiya, Shvetsiya, Kanada, Ukraina, Germaniya va Norvegiya Rossiya va Belarus sportchilari ishtirok etgani sababli musobaqani boykot eʼlon qilgan edi.

Endi ularning qatoriga Buyuk Britaniya ham qoʻshildi.

Qayd etish mumkin, ushbu mamlakat federatsiyasi Nyu-Dehli (Hindiston)da boʻlib oʻtgan ayollar oʻrtasidagi 2023-yilgi jahon chempionatiga ham boykot qilgan edi.

Oʻz navbatida, mazkur musobaqada ishtirok etish uchun 104 mamlakatdan ariza kelib tushgan.

Eslatib oʻtamiz, jahon chempionati 1–14-may kunlari poytaxtimizdagi “Humo Arena”da oʻtkaziladi. Ochilish marosimi 30-aprel kuni boʻlib oʻtadi.

• Boks
• Jahon chempionati