"Agar mamlakat noto‘g‘ri boshqarilsa, barcha aqlli insonlar uni tark etadi". Li Kuan Yuning ibratli so‘zlari

  • 07:06 / 21.01.2017
  • 16202

Li Kuan Yu

Siyosiy arbob, Singapurning birinchi bosh vaziri. 2015 yilning 23 mart kuni vafot etgan.

 

Korrupsiya haqida

— «Korrupsiya bilan kurashishni uchun do‘stingizni qamoqqa o‘tkazishdan boshlang. Siz ham, ular ham nima sababdan ekanligini aniq bilasiz».

— «Agar biz boshqarayotgan davlat hokimiyati ko‘pchilikning hayotini yaxshilash uchun emas, kamchilikning cho‘ntagini qappaytirish uchun foydalanilsa,  ahvolimiz chatoq bo‘ladi».

 

Har bir mamlakatning merosi haqida

— «Iqtidorli insonlar davlatning ko‘proq qimmatli merosi sanaladi».

— «Men shu narsaga amin bo‘ldimki, bizning zamon odamlari hech qachon kimningdir yordamiga umid qilishga odatlanishi kerak emas. Agar biz ulgurishni istasak, faqat o‘zimizdan umid qilishimiz lozim».

— «Barcha rahbarlar bilan ham emigratsiyaning salbiy oqibatlari haqidagi qarashlarim to‘g‘ri kelmagan. 70 yillar boshida Malayziyaning bosh vaziri Tan Razzoqga Malayziya Avstraliya va Yangi Zelandiyaga ketib qolgan ko‘plab oliy ma'lumotli xitoylik va xindlarni yo‘qotib, «aqllilar oqimi»dan aziyat chekkani haqida so‘z ochganimda, u shunday dedi: «Bu «aqllilar oqimi» emas, balki muammolar oqimi».

 

Siyosat haqida

— «Shiddatli jangovar ruhdan mahrum insonlar uyda qolib, paypoq to‘qigani ma'qul.  Siyosat ishi kuchsizlar uchun emas. Uning uchun qattiqqo‘llik va ishonch zarur».

 

Mehnatni olqishlash haqida

— «Biz ishga yangicha yondashishni o‘rgandik. Uning muhim qismi, sarflangan vaqt emas, balki mehnat natijasidan kelib chiquvchi munosabatni tashkil etish edi».

 

Singapur haqida

— «Biz Singapurni so‘zma-so‘z aytganda yo‘qdan bor qildik. 150 nafar fuqarodan iborat baliqchilar qishlog‘idan, ekvatordan ikki darajada joylashgan dunyodagi eng katta shaharlardan birini barpo etdik. Ekvatorga bunday darajadagi yaqinlikda faqatgina bir sivilizatsiya – Yukatan yarimorolidagi mayya qabilasi mavjud edi».

 

Nikoh haqida:

— «Agarda oliy ma'lumotli erkak oliy ma'lumotli ayol bilan oila qurishni istamasa, men faqat uni ahmoq deb atashim mumkin. Agarda sen oliy ma'lumotga ega bo‘lmagan ayol bilan turmush qursang, senda faqatgina muammolar bo‘ladi: bolalardan biri aqlli, biri esa - unchalik emas. Sen boshdagi sochingni yulishni boshlaysan».

Teglar