Алвидо ринг! Руслан Чагаев боксдан кетмоқда

Бокс 29-07-2016

WBA йўналишининг супер оғир вазни бўйича собиқ жаҳон чемпиони, ўзбекистонлик Руслан Чагаев 37 ёшида боксчилик фаолиятини якунлади. Бу ҳақда унинг менежери Тимур Дугазаевга асосланиб Sportbox.Ru хабар берган.

«Руслан бизга карьерасини якунлаши ҳақида маълум қилди. Бунга сабаб унинг кўзларидаги муаммодир. Соғлиқ ҳамиша биринчи ўринда бўлиши керак», — деган Дугазаев.

Нашрнинг эслатишича, 2001 йили Руслан Чагаев чап кўзидаги муаммолар сабаб операция қилинганди.

25 июль куни Бутунжаҳон бокс ассоциацияси (WBA) Чагаевни  супероғир вазн тоифасининг WBA (Regular) чемпионлик камаридан маҳрум қилганди. Бунга боксчининг вакиллари Окендога қарши жанг бўйича келишув бошламагани сабаб бўлди.

Чагаев шу йилнинг 5 мартида австралиялик Лукас Браунга ютқазиб, чемпионлик камаридан маҳрум бўлган, аммо май ойида Брауннинг қонида тақиқланган модда аниқланиб, камар Чагаевга қайтарилганди.

26 июль куни Руслан Чагаев WBA рейтингидан чиқарилди.




МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ