Amerikalik ayol 110 yillik qurigan daraxtni kichik kutubxonaga aylantirdi

  • 19:55 / 24.01.2019
  • 2640

Amerikalik ayol 110 yillik qurigan daraxtni kichik kutubxonaga aylantirdi 

Ijodkor kishilar eng oddiy narsalardan ham ilhom topa oladi. Aydaxolik ayol tomonidan eski terakda yaratilgan kutubxona bunga yaqqol misol bo‘la oladi. Adabiyotga qiziqishni tiklash uchun Amerikada «Mitti bepul kutubxona» loyihasini ishga tushirdi.

Uning barcha ishtirokchilari 10 yil ichida shtatlar hududida 75 ming kutubxona yaratishdan tashqari, boshqa 88 mamlakatda ham aynan ushbu loyihani amalga oshirdilar.

Shereli Armitaj Govard ulkan daraxtni kesib tashlashlarini istamadi. Uni saqlab qolish uchun terakni kichik kutubxonaga aylantirishga qaror qildi.

Terakning eng yuqori qismini kesishga to‘g‘ri keldi. Daraxt tanasining eng keng qismi saqlab qolindi. Keyin esa po‘k yog‘ochni olib tashlab, antiseptik bilan to‘yintirishdi.

Daraxt ichiga kitoblar bilan to‘ldirilgan javonlarni joylashtirishdi, qiziqarli ko‘rinish berish uchun daraxtning yuqori qismiga tom o‘rnatib, kirish qismini oynali eshik bilan bezatishdi.

Uning ichiga elektr o‘tkazildi. Maqsad – kechki paytlari ham kutubxonaga kelish imkoniyatini yaratish. Tosh zinapoyalar terib chiqildi, bino fasadini ayol kitoblarning fanerdan ishlangan maketlari bilan bezadi.

Ana shunday oddiy eski bir daraxt sevimli kitobni olish mumkin bo‘lgan haqiqiy ertakmonand joyga aylandi. Afsuski, uyning ichiga kirib bo‘lmaydi, biroq keraksiz kitoblarni u yerda qoldirish mumkin. 

Inson xayoloti tufayli keraksiz daraxt odamlarni jalb etadigan joyga aylandi va shaharga o‘zgacha ko‘rk berdi.