Америкалик бейсболчи спорт тарихидаги энг қимматбаҳо шартномани имзолади

Спорт Plus 20-03-2019

Америкалик бейсболчи Майк Траут Бош бейсбол лигаси MLB’нинг “Лос-Анжелес Энжелс” клуби билан спорт тарихидаги рекорд қийматдаги шартномани имзолади. Шартнома 12 йилга мўлжалланган бўлиб, қиймати 430 млн долларни ташкил қилган. Бу ҳақда ESPN телеканали хабар берди.

Бунгача рекорд америкалик бейсболчи Брайс Харперга тегишли бўлиб, у 2 март куни “Филадельфия Филлис” клуби билан 330 млн долларлик 13 йиллик шартнома имзолаганди. 

Траут 28 ёшда бўлиб, аутфилдер позициясида ўйнайди. Бейсболчи клуб учун 2011 йилдан бери иштирок этади. У мунтазам чемпионат натижаларига кўра 2 марта (2014 ва 2016 йиллар) Америка лигасининг (MLB’нинг 2 лигасидан бири) энг қимматли ўйинчиси деб топилган. 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ