Англия мактабларида янги – англаш фани ўқитилади

Жаҳон 16-02-2019

«Англиядаги ўқувчилар математика, илм-фан ва тарихни ўрганишади, бироқ эндиликда юзлаб мактаблар ўзларининг анъанавий жадвалларини кенгайтириш ва янги – англаш фанини ўқитишга тайёргарлик кўришмоқда», - дея хабар бермоқда The New York Times Буюк Британия ҳукумати билдирган хабарга таяниб.

«Англиядаги 370 дан кам бўлмаган мактаб ўқувчилари ёшларнинг руҳий саломатлигини яхшилашга қаратилган тадқиқот доирасида англашни амалиёт сифатида ўтишни бошлайдилар, - дея ёзади газета. - Хотиржам бўлиш техникалари, нафас машқлари ва бошқа усуллар ўқувчиларга уларнинг ҳиссий ҳолатларини мувофиқлаштиришда ёрдам беради».

Буюк Британия соғлиқни сақлаш хизмати томонидан ўтказилган тадқиқотдан сўнг ана шу ташаббус ҳақида маълум қилинган. Тадқиқот Англияда 5 ёшдан 19 ёшгача бўлган ҳар саккизинчи бола 2017 йилдаги тадқиқот ўтказилиш вақтида камида битта руҳий бузилишдан азият чекишини кўрсатган. Натижалари ўтган йилнинг ноябрь ойида эълон қилинган тадқиқотда 5-15 ёш гуруҳлари руҳий бузилишлар миқдори 1999 йилдаги 9,7 фоизга қараганда 2017 йилда 11,2 фоизга ортгани қайд этилган. Хавотир ва тушкунлик энг кўп тарқалган бузилишлардан бўлган. 2017 йилда ундан ҳар 12 бола азият чеккан. Бу бузилишлар кўпинча қиз болаларда кузатилган, дейилади нашрда.

Action for Children Британия хайрия жамиятининг сиёсат масалалари бўйича директори Имрон Ҳусайннинг сўзларига кўра, бу «болалар муҳитида руҳий саломатлик инқирози»га тенг.

«Ҳар куни асосий хизматлар болалар ва ўсмирлар мактабдаги интенсив босим, ўсмирлар томонидан агрессия ва уйдаги муаммоларни енгиб, тобора мураккаб замонавий дунёга қоришиб бораётганлари, бу вақтда ижтимоий тармоқлар уларни бомбардимон қилишларини кўрадилар», - деди у.

Ҳукумат тадқиқоти раҳбари, Лондондаги Университет коллежининг болалар руҳий ҳолати ва фаровонлиги бўйича мутахассиси, шифокор Жессика Дейтоннинг сўзларига кўра, янги ташаббус муаммони шошма-шошарлик билан ҳал этишга қараганда кўпроқ нарса, - деб ёзади The New York Times.

«Биз мактаб муҳитида руҳий саломатлик бўйича маълумотларни ошириш орқали руҳий бузилишлар билан боғлиқ муаммолар хатарини камайтиришга ҳаракат қиламиз».

Унинг сўзларига кўра, дастурга роль машқлари, дам олдириш усуллари, мутахассислар билан гуруҳларда ўтказиладиган суҳбатлар каби техникалар киритилган, дейилади мақолада.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ