Avstraliyada 6 oygacha bo‘lgan chaqaloqlar uchun spa-markaz xizmat ko‘rsatadi (fotojamlanma)

  • 15:21 / 22.03.2017
  • 13969

G‘arbiy Avstraliyadagi Baby Spa Perth saloni faqat 6 oygacha bo‘lgan "mijozlar" uchun yuqori sifatli hidroterapiya muolajasi va uqalash xizmatini taqdim etadi. BoredPanda shu mavzudagi fotojamlanmasi bilan bo‘lishdi. 

Salon hattoki Bubby nomi bilan tanilgan, shaxsiy patentlangan flotatsion qurilmasi bilan ham diqqatga sazovor. Bu mini-vannalar kishiga orom baxsh etish bilan birga kichkintoylarning dam olishi va ularni suzish mashqlariga tayyorlashning ajoyib vositasidir. Spa-markazda olingan suratlar Internetda keng tarqalgan, uning Instagram sahifasiga 11,5 ming nafar follover a'zo. 

Baby Spa Perth Avstraliyadagi birinchi bunday markaz bo‘lsa-da, u xalqaro franshizalar qatoriga qo‘shilgan. Kurort asoschisi Laura Sevenus shuningdek Angliya, Janubiy Afrika va Ispaniyadagi bolalar sanatoriylarini boshqaradi. 

Baby Spa Perth - Avstraliyadagi faqat kichik bolakaylarga (6 oygacha bo‘lgan) atalgan vannalar va uqalash xonalari

Bu yerda chaqaloqlar yumshoq to‘lqinli iliq suvda rohatlanib cho‘milishadi 

Spa-markaz chaqaloqlar uchun qulay va xavfsiz bo‘lgan shaxsiy Bubby nomli patentlangan flotatsion qurilmasi bilan ham mashhur

Spa-markaz ota-onalar va bolalarga har tomonlama qulay muhitda muloqot qilishga imkon beradi

Hidroterapiya chaqaloqlarga huzur bag‘ishlashi bilan birga ularning sog‘lig‘i uchun ham juda foydalidir

Bolalar suvda erkin harkatlana olishadi, bu ularning mushak va suyaklarini rivojlantirishga yordam beradi

Chaqaloqlarning bu yerda suzish jarayonida tuygan his-tuyg‘ulari ularni suzish mashqlariga va hatto yurishga tayyorlaydi

Keling, tan olaylik - bu endigina ota-onalik baxtiga erishganlar uchun qiyin ish, ba'zan esa siz ham shunchaki orom olgingiz keladi

Vannadan keyin chaqaloqlar maxsus moy bilan mayin uqalanadi va shu tariqa ularning terisi namlantiriladi

Ular cho‘miladigan suv umumiy suzish havzalaridagi bakteriyalarni o‘ldiruvchi, lekin bola uchun xavfsiz ozon bilan tozalanadi

Chaqaloqlar spa-markazining Instagram'dagi sahifasida 11.5k follover bor

Bu Avstraliyadagi birinchi chaqaloqlar spa-markazi bo‘lsa-da, Angliya, Janubiy Afrika va Ispaniyada ham Baby Spas mavjud.