Bahosi 335 million dollar dunyodagi eng qimmat uy

  • 17:53 / 08.11.2016
  • 9348

Monakodagi La Belle Epoque uylari dunyodagi eng nufuzli va qimmat xonadonlar sanaladi. O‘rta Yer dengizi qirg‘og‘ida joylashgan yangi binodagi mazkur ajoyib pentxausning yangi egasi 306,5 million dollar sarfladi.

Bu avvalgi ko‘rsatkichdan ahamiyatli tarzda oshib ketgan uylar narxining yangi rekordidir. Eslatib o‘tamiz, yaqindagina narxi 200 million dollardan oshuvchi Gayd-park hududida qad rostlagan London apartamentlari dunyodagi eng qimmat uylar deb hisoblanar edi.

Monte-Karlodagi Ostend bulvarida joylashgan uylarning umumiy maydoni 1600 kv.m.ni tashkil etadi. Bu La Belle Epoque majmuida joylashgan ikki qavatli pentxaus. 

Xonadon ikkita alohida turar-jo bo‘linmalariga ega bo‘lib, har birida yotoqxona, kiinish xonasi, kinozal, mexmonxona, oshxona va bir necha yuvinish xonalari mavjud. Bundan tashqari, bu yerda maxsus jihozlangan o‘yin maydonchasi, bilyard, SPA salon, jakuzi, kutubxona va kichik bog‘li ayvonni ham uchratish mumkin. 

Dastavval pentxaus dunyoning eng badavlat insonlaridan biri — braziliyalik moliyachi Edmon Safrga qarashli bo‘lgan. U 1999 yil 67 yoshida Monakodagi aynan o‘sha uyda sodir bo‘lgan yong‘in vaqtida halok bo‘ldi. Shundan so‘ng pentxausni aka-uka dasturchilar Kristian va Nik Kendi 15 million dollarga yaqin qiymatda sotib olishdi. 

To‘liq qayta ta'mirdan so‘ng eksklyuziv dizaynerlik ishlanmalar va yangilangan uy jihozlariga ega hashamatli apartamentlar yana otuvga qo‘yildi. Bu safar uning egasi dunyodagi eng qimmat uyga 306,5 million dollar to‘lagan Yaqin Sharqdagi sarmoyador bo‘ldi. Hozirda uylar yana sotuvga qo‘yildi — bu safar 335 million dollar hisobida. 

Hozirda La Belle Epoque xonadoni dunyodagi eng qimmat va nufuzli uy maqomini chindan ham oqlaydi. U zamonaviy dizayn bilan ta'minlangan va zamonaviy, qimmatbaho mebellar bilan jihozlangan. 

Bundan tashqari, uyda boshqaruvi maxsus tugmalarni bosish orqali amalga oshuvchi ko‘plab ichki monitor va kinoekranlar mavjud. Qo‘riqlash tizimi ham yuqori darajada. U ultrazamonaviy videonkuzatuv kameralari va yana boshqa himoya vositalarini yoqadi. Shuningdek, xonalarda hujum bo‘lgan vaqtda berkinish uchun o‘q o‘tkazmaydigan shishali maxsus xonalar ham bor.

Teglar