“Baxt” xitoycha pechenesi

  • 10:52 / 10.11.2014
  • 4436

Baxt pechenesi shunchaki desert emas. U ijobiy va yorqin hissiyotlar namunasi. Boisi unda ezgu tilakllar ulashiladi. Uni tayyorlash jarayoni murakkab bo‘lmasada, o‘ziga xos nozikliklarga ega. Masalan, pechene tez sovib qoladi va qattiqlashadi. Unga zarur shaklni berishga ulgurish uchun ishni bir necha bosqichda olib borish zarur. Tayyor bo‘lgan shirinlikni mehmonlarga, ko‘chadagi bolalarga, qo‘shnilarga tortiq qiling. Bu albatta kayfiyatingizni ko‘taradi.

Masalliqlar 40 gr sariyog‘ 50 gr shakar pudrasi 1 tuxum oqi 1 chimdim tuz 40 gr bug‘doy uni Yaxshi tilaklar yozish uchun qog‘oz tasma

Foydali moddalari 1 gr oqsil 3 gr yog‘ 7 gr uglevod 1 donasida 55 kkal

Tayyorlanishi 1. Sariyog‘ eritiladi va sovitishga qo‘yiladi. Shakar pudrasi elanadi. Tuxum oqi tuz solib yaxshilab ko‘pirtiriladi. Shakar pudrasi sovigan sariyog‘ga qo‘shiladi. Qorishma doimiy aralashtirib turiladi. Ko‘pirtirilgan tuxum oqi va elangan un qo‘shiladi. Xamir qoriladi.

2. Pech tovasiga pergament qog‘oz to‘shaladi. Choy qoshiq yordamida qog‘ozga xamir solinadi va 9-10 smli quymoq shaklida yoyiladi. Oldindan qizdirilgan 200 gradusli duxovkada 4-5 daqiqa mobaynida pechene yengil qizarguncha pishirib olinadi.

3. Har bir pechenening o‘rtasiga tilaklar bitilgan qog‘oz tasma qo‘ying. Stakan cheti bilan uni buklang. Sovigandan keyin pechene qattiqlashadi va bukilgan shaklini saqlab, qog‘ozni ushlab qoladi.

Tayyorlashga 60 daqiqa vaqt ketadi

Teglar