"Barselona" tarixidagi eng yaxshi 7 davr

  • 06:22 / 10.11.2014
  • 1537

"Barselona" jahon futbolidagi eng ko‘p sovrinlarni qo‘lga kiritgan jamoalar sirasiga kiradi. Sovrinlarga ega bo‘lish uchun kuchli xohish bilan birgalikda, kuchli murabbiy, yulduzli tarkib va zamonaviy-ilg‘or g‘oyalar ham bo‘lishi kerak. Quyida "Barselona" rahbarlari tuzgan shunday sovrindor tarkiblarni ko‘rib chiqamiz.

Barselona 1951-1953 Yutuqlari: 2 La Liga chempionligi, 2 ta Qirol Kubogi, Lotin kubogi, Ev' Duarte kubogi Murabbiy: Ferdinand Dauchik Yulduzlari: Ladislao Kubala (suratda), Sasar, Basora, Eduardo Manchon, Joan Segarra

Kubala 1951-1953-new

O‘sha vaqtlarda ancha yillar siyosiy mashmashalar tufayli chempionatdan badarg‘a qilingan "Barselona" 1951 yilda yana hammasini boshidan boshlagandi. Slovakiyalik murabbiy o‘zining qaynukasi Ladislao Kubala bilan birgalikda jamoani yangi darajaga olib chiqqan edi. Vengriyalik hujumchi Kubalaning to‘xtovsiz gol urishi "Barselona"ni sovrin yig‘uvchi mashinaga aylantiradi. 1952 yili jamoa bir mavsumning o‘zida 5 ta sovrinni o‘ziniki qilib oladi. Bular – mamlakat chempionligi, Qirol Kubogi, Janubiy-G‘arbiy Yevropa chempionlari Kubogi, Ispaniya Superkubogi va Kataloniya Kubogi.

Lekin, tez orada jamoada ichki muhit buziladi va murabbiy futbolchilar bilan kelisha olmasdan, jamoani tark etadi. Natijada jamoa ham kuchsizlanadi.

barsa-tarkib-1951-1953

Barselona 1958-1960 Yutuqlari: 2 La Liga chempionligi, Qirol Kubogi, Yarmarkalar Kubogi (hozirgi UYeFA kubogi) Murabbiy: Elenio Errera (suratda) Yulduzlari: Ladislao Kubala, Luis Suares, Zoltan Tsibor, Shandor Kochish, Antoni Ramalets

Errera 1958-1960-new

O‘tgan yillarning oxiriga kelib, Di Stefano boshchiligidagi "Real Madrid" ketma-ket uch marta Chempionlar Kubogini qo‘lga kiritib, Yevropada gegemonlik qilayotgan davr edi. Argentinalik mutaxassis ushbu jamoaga raqobatbardosh "Barselona"ni yaratish sharti bilan Kataloniyaga taklif etildi. U jamoaga o‘zining inqilobiy g‘oyalari bilan kirib keldi. U asosan Kubalaga o‘ynaydigan jamoani himoyaviy o‘ynashga o‘rgatdi. Hatto, o‘zini jamoada qiroldek tutadigan bu futbolchini zaxirada qoldirishdan toymasdi.

U o‘rnatgan qattiq intizom ko‘pchilik tomonidan tanqid qilinsa-da, u o‘z natijalari bilan qoralovchilarining og‘zini yopib qo‘ya oladi. 2 yil davomida "Real" jamoasi ichki chempionatda hechqanday yutuqsiz qoldirildi.

Lekin, Chempionlar Ligasida aynan "Real" bilan o‘yinda ham u hujumchilarsiz taktikasini qo‘llab, mag‘lubiyatga uchraydi va bu mag‘lubiyat uning ishdan ketishi bilan yakunlanadi.

barsa-tarkib-1958-1960

Barselona 1973-1978 Yutuqlari: La Liga chempionligi, Qirol Kubogi, Chempionlar ligasi yarim finali Murabbiy: Rinus Mixels, Xennes Vaysvayler Yulduzlari: Yoxan Kruiif (suratda), Karles Reshak, Yoxan Neyeskens, Xuan Manuyel Asensi

Kroyf 1973-1978-new

 

Barselona bu davrgacha Ispaniyaning o‘rtamiyona jamoasi deb hisoblanar edi. Aynan, Mixelsning faoliyati vaqtida jamoa barqarorlikka erishdi va doimiy ravishda yevrokuboklarda qatnashadigan, ichki chempionatda doimiy ravishda yuqori o‘rinlarda yuradigan bo‘ldi. Mixels jamoaga gollandlarning "total futboli"ni joriy qiladi. Ijrochilar sifatida "Ayaks"dan Kruiff va Neyeskens keltiriladi. Bu jamoa 1974 yili Ispaniya chempionligini "Real" bilan hal qiluvchi bahsda 5:0 hisobida g‘alaba qozonish orqali qo‘lga kiritgan edi. Kruiif futbolchilik faoliyatini tugatgandan keyin ham "Barselona"da qolib, hozirgacha jamoaga jonkuyarlik qilib keladi.

barsa-tarkib-1973-1978

Barselona 1984-1986 Yutuqlari: La Liga chempionligi, Qirol Kubogi finali, Yevropa chempionlari kubogi Murabbiy: Terri Veneybls Yulduzlari: Bernd Shuster (suratda), Xerardo, Migeli, Xulio Alberto, Xose Ramon Alesanko

Brend Shuster 1984-1986-new

 

Mixels davridan keyingi ikki murabbiy - Lattek va Menottilar davrida jamoa sovrinlar xonasini chang bosib yotdi. Ingliz mutaxassisi Veneybls ancha vaqtdan beri sovrinsiz qolayotgan "Barselona"ni g‘alabalarga boshlash uchun chaqirilgan edi va u o‘z missiyasini muvaffaqiyat bilan ado etadi. U 4-4-2 taktik sxemasini qo‘llab, 11 yildan keyin birinchi marotaba Ispaniya chempionligini olib berdi.

Uning jamoasi Bernd Shuster tashkil etadigan himoyaviy uslubda o‘ynar edi. Veneybls ketgandan keyin ham to jamoaga ingliz hujumchisi Lineker tashrif buyurmagunicha, shu uslubda o‘ynashda davom etiladi. barsa-tarkib-1984-1986

Barselona 1990-1994 Yutuqlari: 4 marta La Liga chempionligi, Kubok egalari kubogi g‘olibligi, 2 marta Ispaniya Superkubogi, UYeFA Superkubogi Murabbiy: Yoxan Kruiif Yulduzlari: Mikayel Laudrup, Xristo Stoichkov, Xosep Gvardiola, Ronald Kuman, Antoni Subisarreta

Gvardiola 1990-1994-new

Kruiifning "Barselona"dagi murabbiy sifatidagi faoliyati futbolchi sifatidagi faoliyatidan kam bo‘lmadi. Axir jamoani undan ko‘ra yaxshi biladigan va yaxshi ko‘radigan odam yo‘q. Axir u 70-yillar boshidan beri shu yerda edi. U bu yerda tuzgan jamoani “orzular jamoasi” deb atay boshlashdi. “Drim-Tim” ketma-ket 4 marta Ispaniyada tengsiz bo‘ldi. Xalqaro maydonlarda esa ketma-ket ikki marta, hozirgi YeChL ga to‘g‘ri keladigan Yevropa Chempionlari Kubogini qo‘lga kiritiladi.

Jamoani yengib bo‘lmasdek tasavvur paydo bo‘ladi. Lekin, bu g‘alabali davrlarning ham oxiri bor edi. 1994 yili Afinadagi Chempionlar ligasi finalida yana bir iste'dodli murabbiy Fabio Kapello boshqarayotgan “Milan” bilan bo‘lgan bahsda Kruiif yoshartirilgan tarkibni tushirib tavakkalga yo‘l qo‘yadi va yirik 0:4 hisobida mag‘lubiyatga uchraydi. Qo‘lidan kelganini qilib bo‘lganini tushunib bo‘lgan Kruiff o‘z ixtiyori bilan iste'fo beradi. Lekin u hozirgacha ham “kataloniyaning o‘z kishisi” hisoblanadi.

barsa-tarkib-1990-1994

Barselona 2004-2006 Yutuqlari: 2 marta La Liga chempionligi, Chempionlar ligasi g‘olibligi va Ispaniya Superkubogi Murabbiy: Frank Raykard Yulduzlari: Ronaldino, Samuyel Eto`O, Karles Puyol, Deku, Xavi

Ronaldinio - 2004-2006-new

2004 yil bahorida jamoada katta islohot bo‘lib o‘tadi. Yangi kelgan prezident, o‘zi bilan yangi murabbiylar jamoasini ham olib keladi. Frank Raykard va uning yordamchisi Xenk ten Kata olib borgan ishlar Barselona shahri osmonidagi qora bulutlarni tarqatib yuborib, muxlislarning uzoq yillik iztiroblariga chek qo‘yadi, jamoa Yevropa sahnalariga qaytadi.

Raykard jamoasi futbol tarixiga "archa uslubi" nomi bilan kirgan uslubda o‘ynay boshlaydi. Bu uslub, qanot himoyachilarining tezkor hujumlarga faol qo‘shilishi, markaziy yarimhimoyachilarning aqlli paslari va hujumdagi Ronaldinoning afsungarona harakatlari asosiga qurilgan edi.

Raykardning birinchi mavsumidayoq La Ligada birinchilik qo‘lga kiritiladi, Chempionlar ligasida esa yevromaydonlarga endigina kirib kelgan Abramovichning qudratli "Chelsi" sidan mag‘lub bo‘lishadi. Lekin keyingi yildayoq maqsadga erishiladi – finalda "Arsenal" mag‘lub etiladi.

Raykardning jamoadagi faoliyati uzoq davom etmadi. "Barselona" rahbarlari futbolni emas, natijalarni muhim hisoblashdi va jamoadagi avlodlar almashuvi sharoitida bu murabbiyga javob berib yuborishdi. Muxlislar haligacha uning "haroratli" o‘yin ko‘rsatadigan jamoasi va nozik fintlari bilan o‘ziga mahliyo etgan Ronaldinoning o‘sha o‘yinlarini ichki entikish bilan eslab yurishadi. barsa-tarkib-2004-2006

Barselona 2008-2011 Yutuqlari: 3 La Liga chempionligi, Qirol Kubogi, 2 marta Chempionlar Ligasi g‘olibligi, 2 marta Ispaniya Superkubogi, UYeFA Superkubogi, Klublar o‘rtasidagi chempionat g‘olibligi. Murabbiy: Xosep Gvardiola Yulduzlari: Lionel Messi, Andres Inesta, Xavi, Karles Puyol, Dani Alves.

Messi 2008-2011-new

Vaqtlar o‘tadi, lekin ushbu jamoadaqa jamoa boshqa bo‘lmaydi. Futbol tarixi hali bunaqa kuchli, haddan tashqari kuchli jamoani ko‘rmagan edi. Xosep Gvardiola ustozi Yoxan Kruiffdan o‘rganganlariga maksimal darajada muvaffaqiyatli qo‘shimchalar kiritdi va haqiqiy yengilmas jamoani yaratdi. To‘pni nazorat qilish, raqib jarima maydoniga qattiq bosim uyushtirib, texnikaviy hujumchilarning yorib kirishlariga asoslangan edi uning “tiki-taka” deb nom olgan taktikasi. “Tiki-taka” uslubiga qarshi hech qanday chora qo‘llab bo‘lmay qoldi. Bu davrlar mobaynida asosan “Barselona” a'zolaridan tashkil topgan Ispaniya terma jamoasi ham yengilmas jamoaga aylandi.

“Barselona” so‘zi “eng kuchli” raqib degan ibora bilan sinonim sifatida ham ishlatiladigan bo‘lgan edi. Gvardiola o‘zidan oldingi murabbiylar kabi tomoshabop o‘yin ko‘rsatishdan tashqari, natijani ham muhim deb biladi. Natijada uch yil ichida 2 marta YeChL finalida g‘alaba qozonildi.

Jamoa futbolchilari qo‘lga kiritish mumkin bo‘lgan barcha yutuqlarni qo‘lga kiritib bo‘lishgach, ularda g‘alabalarga bo‘lgan chanqoqlik kamaya boradi, shuningdek, ba'zilarining yoshi o‘ta boshlaydi, qolaversa, ko‘p yillik o‘rganishlardan keyin, “tiki-taka”ga qarshilik qilish uchun yangi uslublar ishlab chiqildi. Endi, hamma “Barselona”ning qulashini kuta boshlaydi. Halokatdan saqlanish uchun jamoa yangi murabbiy va yangi g‘oyalarga o‘tishni ma'qul ko‘radi. Gvardiola ham bu qarorni qo‘llab-quvvatlagan holda, o‘z o‘rnini bo‘shatib beradi.

barsa-tarkib-2008-2011

Teglar