Биласизми, сизни бахтдан 15 дақиқа ажратиб туради

Яхшилик 19-10-2018
Фото: Pexels

Психологияда бор-йўғи чорак соат давомида энг бахтли кишига айланиш учун ёрдам берадиган учта қоида бор.

Бир йил учун олдиндан режа тузинг

Кўпинча иш ва турмуш ташвишларига бошимиз билан шўнғиб, кўплаб қизиқарли нарсалар мавжуд эканини унутамиз. Қулайлик зонасидан чиқиш керак ва бу фойдали. Келаси бир йил учун олдиндан қизиқарли машғулотлар рўйхатини тузиш учун бир неча дақиқа ажратинг. Шундай қилингки, ҳеч бўлмаганда бир ойда бир марта сиз билан қизиқарли ҳолат юз берсин. Ана шундан кейин ўйлаган орзуларингизни амалга ошириш режасини тузиш керак. Рўйхат оддий рўйхат бўлиб қолмаслиги учун дарҳол ишга киришинг.

Иш ва орзуларингизни бир-бирига мослаштиринг

1,5 ёки 10 йилдан кейин қандай одам бўлишингиз ҳақидаги тасвирни хаёлингизда чизинг. Нимага эришишни истайсиз, ким бўлишни мақсад қиласиз, қаерда ишламоқчисиз? Буларнинг барини қоғозга туширинг. Рўйхатни ҳозирги кунингиз билан таққосланг. Жорий режангиз ўйлаган мақсадингизга эришишда ёрдам берадими? Агар йўқ бўлса, уни тўлдиринг. Балки бирор нарсани олиб ташлаш ёки ўзгартириш керакдир. Буни ҳафтасига камида 2 марта бажариш тавсия этилади.

Бахт қутисини ясанг

Чиройли қути ёки идишни олинг. Унга «Бахт онлари» деб ном беринг. Бирор яхши ҳодиса юз берганида уни қоғога ёзиб, қутига солинг. Қутидаги қоғозчаларни вақти-вақти билан ўқинг ва ёқимли онларни яна бир бор ҳис этинг. Бу сизга янада кўпроқ хурсанд бўлиш ва ҳаётга енгилроқ муносабатда бўлишда ёрдам беради.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ