Бир суткада орттирилиши мумкин бўлган 20 та кўникма

Биласизми? 31-01-2019

Кўп ойлик курсларга ёзилиш ҳам шарт эмас.

1.Рубик кубигини йиғиш

Машғулотлар учун кубикнинг ўзи ва бироз сабр керак. Ранг-баранг бошқотирмани қандай ечиш учун эса YouTube’даги кўплаб видеоларни томоша қилинг.

Масалан, мана бунисини:

2.Қаҳва тайёрлаш

Бир суткада ичимликнинг бир неча ўнлаб турларини тайёрлаб кўриш мумкин. Бироқ кофеиннинг хавфсиз дозасини ошириб юбормаслик учун уни дўстлар даврасида татиб кўрган маъул.

3.Дастурлаш

Аёнки, бир кунда IT бўйича устозга айланмайсиз, бироқ дастурчилар айнан нима билан шуғулланишлари, бу касб орзу қилишга арзиши ёки арзимаслигини баҳолай оласиз.

Дастурлаш бўйича бепул интенсив онлайн-мактабларни изланг. Уларда JavaScript’даги ишланмалар асослари тушунтирилади. «Hello, world»’ни ёзишдан тортиб мураккаб операцияларгача бўлган йўлни босинг. Табиийки, бу тушунган ҳолда дастурлашга қараганда кўпроқ механик такрорлаш бўлади. Шундай бўлса ҳам синаб кўринг.

Ёки содда ўйинни мустақил равишда ёзинг ва кейин уни ўйнанг.

4.Янги хоббини ўзлаштириш

Бирор қўл меҳнатини ишқибоз даражасида ўрганиш учун бир сутка етарли. Илмоқ ва спицалар ёрдамида қалпоқча тўқинг ёки мураккаб андозалар талаб этилмайдиган қуёшча юбкасини тикинг, лойдан оддий ўйинчоқ ясанг.

Зерикмаслик учун маҳсулот тезда тайёр бўладиган лойиҳаларни танланг.

5.Мураккаб таом тайёрлаш

Анчадан бери “Наполеон” пишириғи ёки бир неча соат талаб этиладиган холодец ёки бошқа бирор таомни пишириш ҳақида орзу қиласизми?

Ҳозир эса бир сутка вақтингиз бор – деярли исталган таомни ўзлаштириш ва биринчи уриниш омадли бўлмаса, ҳатто уни такрорлаш имкони ҳам бор.

6.Биринчи ёрдам кўрсатиш

Бу кимнингдир ҳаётини сақлаб қолиш мумкин бўлган фойдали кўникма. Кўнгиллини топинг ва сунъий нафас олдиришга ҳаракат қилинг, шина қўйинг, ярани боғланг. Бу ҳаракатлар бўйича тажрибангиз бўлса, фавқулодда вазиятларда ўзингизни йўқотмаслик имконияти кўпроқ.

7.Велосипедда учиш

Омадингиз келса, бунга бор-йўғи бир неча дақиқалар кетади. Шунинг учун бир вақтнинг ўзида тормозланиш ва рулни буришни ўрганасиз. Ишонинг, бу – муҳим.

Мувозанатни ушлашдан бошланг.

Бу қандай ишлашини тушунганингиздан кейин педалларни айлантиринг. Умуман олганда, велосипедга ўтирган заҳоти уни миниб кетишингиз мумкин – бунақаси ҳам бўлади.

8.Мусиқа асбобида оддий қўшиқни чалиш

Бу сизни маҳоратли мусиқачига айлантирмайди, бироқ зиёфатларда ҳисобингизга бир балл қўшиши аниқ. Ҳар қандай мусиқа асбоби мос келавермайди. Бонго барабанлари, лаб гармошкаси, блокфлейта ўзлаштириш учун осон саналади.

9.Жонглёрлик

Кўп машқ қилишингизга тўғри келади. Кейин эса буюмларни устамонлик билан ирғитиб, ўзингизга эътибор қарата оласиз.

10.Гулқоғозлар ёпиштириш

Кечки пайт ёпиштирилган гулқоғозлар тонгдагиларига қараганда анча яхши кўринишда эканини ўзингиз ҳам пайқайсиз.

11.Карта фокусларини кўрсатиш

Оддийроқ вариантларини танланг, акс ҳолда бир суткада ўрганишга улгурмайсиз.

12.Қайноқ клавишлардан фойдаланиш

Орзуингиздаги клавишларни бир марта ўрганиб олинг ва компьютерда ишлаш тезлигини оширинг.

13.Ғилдиракларни алмаштириш

Буни мустақил тарзда амалга оширишга ҳаракат қилинг. Бунинг учун батафсил йўриқномадан фойдаланинг.

14.Анор тозалаш

Бир неча усуллар мавжуд, барини синаб кўринг ва энг яхшисини танланг.

15.Буюмларни тартиб билан тахлаш

Келажакда жавонни дарҳол тартибга солиш учун севимли футболкаларингизда машқ қилинг. Турли усулларни синаб кўринг ва сизга кўпроқ мос келадиганини топинг.

Масалан, кийимларни даста кўринишида сақлашингиз мумкин, бунинг учун уни тартибли тўғри тўртбурчак шаклида тахлаш керак. Ёки уларни вертикал кўринишда Мари Конда усули бўйича тахлаш мумкин.

16.Чизиш

Бир суткада иккинчи Пикассога айланмайсиз, бироқ озгинагина истеъдодингиз билан ҳам инсон кўзи, қулоғи ёки юзини ишонарли кўринишда тасвирлай оласиз.

17.Рақс тушиш

Муваффақият учун балетни эмас, ижтимоий рақслар – хастл, сальса ёки бачатани танланг. Асосий қадамлар мураккаб эмас, бироқ жуда чиройли кўринади. Тўғри, машғулотлар учун шерик зарур. Акс ҳолда “скибиди” рақсиниўзлаштиринг.

18.Бюджетни режалаштириш

Кунни молиявий режа тузишга бағишланг. Кейинчалик бу қандай амалга оширилишини аниқ биласиз. Бюджетни режалаштириш пулни ақл билан сарфлаш ва харажатларни тақсимлашда ёрдам беради. Буни батафсил йўриқнома ёрдамида амалга ошириш мумкин.

19.Иккинчи қўл билан ёзиш

Ўзингизда амбидекстерни тарбиялаш ҳақида орзу қилган бўлсангиз, ёзув машқларидан бошланг. Етакчи қўл билан ёзиш, доира ва таёқчалар чизишни қандай ўрганганингизни эсга олинг. Қониқарли натижага эришмагунча яна шу йўлни босиб ўтинг.

20.Морзе алифбоси сигналларини бериш

Нуқта ва тирелар бирикмасини тушуниб олгач, сирли хабарларни юбора оласиз. Муҳими, олувчи Морзе алифбосини билса бўлгани. Акс ҳолда жўнатмалар унинг учун ҳам сирлилигича қолади.

Морзе алифбосининг кодли жадвали

Сиз бу жадвалга яна нималарни киритган бўлардингиз? 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ