Bu safar “Oltin to‘p”ga kim ega chiqadi?

  • 06:57 / 10.11.2014
  • 2446

"Oltin to‘p-2014" uchun da'vogar futbolchilar ro‘yxati

Garet Beyl (Uels) 

Karim Benzema (Fransiya)

Diyego Kosta (Ispaniya)

Tibo Kurtua (Belgiya)

Krishtianu Ronaldu (Portugaliya)

Anxel Di Mariya (Argentina)

Mario Gyotse (Germaniya)

Eden Azar (Belgiya)

Zlatan Ibrohimovich (Shvetsiya)

Andres Inesta (Ispaniya)

Toni Kroos (Germaniya)

Filipp Lam (Germaniya)

Xaver Maskerano (Argentina)

Lionel Messi (Argentina)

Tomas Myuller (Germaniya)

Manuel Noyyer (Germaniya)

Neymar (Braziliya )

Pol Pogba (Fransiya)

Serxio Ramos (Ispaniya)

Aren Robben (Gollandiya)

Jyeyms Rodriges (Kolumbiya)

Bastian Shvaynshtayger (Germaniya)

Yaya Ture (Kot-d'Ivuar)

1 dekabr kuni "Oltin to‘p"ga da'vogar bo‘lgan asosiy 3 nafar futbolchining nomi e'lon qilinsa, sovrin 12 yanvar kuni tantanali marosimda topshiriladi. Bizning jamoamiz ham futbolning ashaddiy ixlosmandlaridan iborat. Tahririyat xodimlari o‘zlari kimni eng yaxshi deb hisoblashlarini bildirishdi va fikrlarini asoslab berishga harakat qilishdi. Ko‘ramiz, oxir-oqibat kimning taxmini rost bo‘lib chiqar ekan?

1. Krishtianu Ronaldu (Maxsudjon)

cristiano

Qachonki, futbolchi o‘zining chiroyli o‘yiniga go‘zal natijalarni ham hamohang qila olsa, bunday futbolchini ifodalash uchun yangi sport terminini o‘ylab topish kerak bo‘ladi. Masalan, "super odam", “biorobot” yoki "gol mashinasi"ga o‘xshash. Yoki shunchaki Ronaldu. Chunki hozirda bu nomning o‘zi ko‘p narsani anglatmoqda.

Krishtianuning o‘tgan mavsumdagi o‘yinlari har yilgidan ham fantastik tus oldi. U hammadan ko‘p gol urdi, "Real" bilan birga YeChL finalida zafar quchdi. Jahon chempionati vaqtida jarohat tufayli ko‘ngildagidek harakat qila olmagan bo‘lsa-da, uning jamoasi guruhda faqat bo‘lajak jahon chempionlariga yutqazdi.

Qolaversa, jahon chempionati mavsumning bir oyinigina qamraydi. Qolgan 11 oydagi o‘yinlarni chetga surgan holda, faqat o‘sha 1 oy asosida hukm chiqarishda mantiq yo‘q. "Oltin to‘p"ga hammadan ham ko‘proq loyiq odam bu – Krishtianu Ronaldu. U haqiqiy sportchilarga xos barcha jihatga ega: jismoniy yetuklik, mehnatkashlik va jonkuyarlik, tvitterdagi yuz millionlab follover. Unga faqat havas qilish mumkin. Men uning yana bir marta sahnaga chiqib "Oltin to‘p"ni ko‘tarishi va o‘zining haqiqiy hissiyotlarini ko‘z-yoshlari bilan ifoda etishini ko‘rishga oshiqayapman.

2. Manuel Noyyer (Aziz)

noer

Har safar yilning eng yaxshi futbolchisini aniqlash jarayonida darvozabonlarga nisbatan adolatsizlik kuzatiladi. Axir g‘alabalarda darvozabon ham asosiy ishni bajaradiku. "Darvozabon – yarim jamoa" deyilgani bejiz emasdir. Lekin, Lev Yashindan keyin hali hech bir darvozabon xizmatlari uchun munosib taqdirlanmadi. Faqatgina Jan-Luijji Buffon va Iker Kasilyasning bunga yaqin kelganini eslashimiz mumkin. Manuyel Noyyer esa, Braziliya mundialida Germaniya terma jamoasi bilan yutuqqa erishgani va "Bavariya" safida ajoyib mavsumni o‘tkazgani bilan bunga haqlidir.

U darvozasini gollardan saqlashdan tashqari, o‘z jamoasi himoyasini mustahkam tarzda tashkil qiladi, o‘yinni aql bilan o‘qiy oladi, ikki oyog‘ida ham yaxshi harakat qilib, raqiblarni aldashga kirishi orqali o‘z jamoadoshlariga ishonch bag‘ishlab, raqiblarga ruhan zarba beradi. To‘plarga chiqishda unga yetadigani yo‘q. U so‘nggi himoyachi vazifasini ham qoyilmaqom qilib bajaradi. Raqib jarima maydoniga yorib kirib, gol urib qolishi ham mumkin. Uni yana shuning uchun qadrlash kerakki, futbolda bir vaqtlar Gaetano Shirea va Franko Barezi harakat qilgan amplua - "libero" atamasini unutilib ketmaganini isbotlamoqda.

3. Filipp Lam (Umidjon)

lam

Men asosiy vazifani unutib hujumga chiqib ketadigan Noyyer yoki hadeb yiqilib tushaveradigan Ronaldudan ko‘ra, dunyoning eng yaxshi futbolchisi bo‘lish uchun qariya Filipp Lamni nomzod qilib ko‘rsataman. Himoyachining yil davomida u kabi yorqin o‘yin ko‘rsatishi oxirgi marta 2006 yil italiyalik Fabio Kannavaro misolida kuzatilgan va unga o‘sha mavsum uchun "Oltin to‘p" topshirilgan edi. Filipp Lam bilan ham shunday bo‘lishi kerak. Uning sardorligida Germaniya terma jamoasi jahon chempionligiga erishdi, "Bavariya" ham ichki chempionatda tengsiz bo‘ldi.

Xosep Gvardiola o‘z umrida ko‘rgan eng aqlli va ishonchli o‘yin ko‘rsatadigan futbolchi sifatida aynan uni qayd etgan. Muxlislar ham guvoh: u tinmasdan o‘z qanoti bo‘ylab yuguradi va g‘alabalarni ta'minlaydi.

4. Tomas Myuller (Fazliddin)

tomas

Ko‘pchilik Myuller deganda afsonaviy Gerd Myullerni ko‘z oldiga keltirishga o‘rganib qolgan. Lekin oxirgi yillarda yana bir Myuller yetishib chiqdiki, uni tan oladigan vaqt keldi.

Tomas Myullerning qaysi ampluada harakat qilishini hech kim, hatto uning murabbiylari ham aytib bera olmaydi. Lekin u tinmay gol uraveradi, uraveradi. U shuningdek, jamoaning barcha hujumlarida faol harakat qiladi. Jismonan uncha baquvvat ko‘rinmasada, tezligi maqtanarli bo‘lmasa-da, u nihoyatda barqaror o‘yin ko‘rsatishda davom etaveradi. Braziliya mundialida ham eng yaxshi deb tan olinish uchun aynan u munosib edi. O‘shandagi nohaqlik uchun ham bu safar "Olyin to‘p" unga berilishi kerak.

Terri Anri u haqida shunday deydi: "Futbol shunday o‘yinki, uni Myuller kabi o‘ynash kerak. U futbolni maromiga yetkazib o‘ynaydi. U himoyalanish kerak bo‘lganda himoyalanadi, hujum qilish kerak bo‘lganda hujumga o‘tadi, to‘pni nazorat qiladi, hujum yo‘nalishlarini belgilab beradi, umuman olganda, barchasini to‘g‘ri bajaradi".

5. Aren Robben (Ma'rufjon)

robben

Gollandiyaning uzoq yillardan beri yetakchisi bo‘lib kelayotgan Robbenning jamoalardagi faoliyati ham havas qilgudek. U "Chelsi", "Real" va "Bavariya"dagi o‘yinlari bilan o‘zini ko‘rsatib bo‘lgan. Robbendagi tezlik, texnika, aniq zarba, mas'uliyatni o‘z zimmasiga olish kabi xislatlarning jamlanishi, ya'ni, universallik boshqa hech bir zamonamiz futbolchisida yo‘q.

Uning jahon chempionatida nimalar qilgani muxlislar yodidan ko‘tarilmagani aniq. Ispaniya bilan o‘yinda ulug‘vor "qizil furiya" himoyasini yakson etib tashlagan Robben "Oltin to‘p" egasi bo‘lish uchun asosiy nomzod.

6. Di Mariya (Azimjon)

di-mariya

Argentinalik ulkan iste'dod egasi, o‘zining yuksak mahorati, betakror fintlari, qanotdagi tezkor harakatlari va hujumni tashkil qilishdagi aqlli qarorlar chiqarish xususiyatlaridan tashqari go‘zal xulqga ham ega. Uni muxlislar ham, murabbiylar va boshqa futbolchilar ham yoqtirishadi. Agar kutilmaganda jarohat olib qolmaganida va Germaniyaga qarshi final uchrashuvida qatnashganida, Argentina termasi bilan jahon chempioniga aylanishi ham mumkin edi.

U yozgi transferlar vaqtida Manchesterga ko‘chib o‘tdi va o‘zining APL futbolchilaridan saviya borasida qanchalar ustun ekanini namoyish etib kelmoqda.

7. Leonel Messi - ortiqcha izohga xojat yo‘q

messi-no-comment

Teglar