Chevrolet Cobalt o‘rniga Chevrolet Monza chiqishi rad etildi

  • 11:20 / 09.07.2019
  • 977

Foto: Kolesa.ru

Ijtimoiy tarmoqlarda Uzauto Motors kompaniyasi tomonidan ishlab chiqarilishi to‘xtatilayotgan Chevrolet Cobalt o‘rniga Chevrolet Monza avtomobili ishlab chiqarilishi haqida xabarlar paydo bo‘ldi. Kun.uz muxbiri ayni savol bilan O‘zbekiston avtosanoat vakillariga murojaat qildi. 

Ma'lum qilishlaricha, Uzauto Motors kompaniyasi tomonidan yaqin orada Chevrolet Cobalt o‘rniga Chevrolet Monza avtomobilini ishlab chiqarish rejalashtirilmayapti. 

Shu bilan birga, ta'kidlanishicha, tomonlar o‘rtasidagi kelishuvga muvofiq, ishlab chiqarish siri bo‘lganligi sababli Cobalt sedanini ishlab chiqarish to‘xtatilgach, uning liniyasida qanday avtomobil ishlab chiqarilishiga oydinlik kiritish imkoni mavjud emas.