Daraxtlar ustidagi ajoyib mehmonxona

  • 05:35 / 24.01.2017
  • 13622

Snoxetta (Snøhetta) Xalqaro arxitektura va dizayn kompaniyasi dunyoning eng chiroyli burchagining birida daraxtlar ustida qurilgan uyni barpo etdi. "7-xona" (The 7th Room) - bu Arktikaga yaqin bo‘lgan Shimoliy Shvetsiyadan uzoq bo‘lmagan yerda joylashgan hashamatli mehmonxonadir. Uning vazifasi tabiat va inson o‘rtasidagi uzilishlarni qisqartirishdan iborat.

Qurilish dizayni an'anaviy Skandinav uslubiga asoslangan bo‘lib,  uyning ustunlari sifatida yerdan 10 metr balandlikda bo‘lgan 12ta yashil qarag‘ay daraxtidan foydalanilgan. Daraxtli interer rangi sokin muhitni yaratadi va katta derazalar shved Laplandiyasi manzaralari, jumladan Lule daryosining to‘lqinidan bahra olishga yordam beradi. 

Bundan tashqari, mehmonxonaning yana bir ajralib turuvchi jihati -  mehmonlarga shimoliy yog‘du ostida unitilmas taasurotlar ulashuvchi ochiq ayvondir. 

Shuningdek, qariyb 55 kv metr joy ijtimoiy mehmonxona hududi, yuvinish xonasi va ikki yotoqxonani qamrab olgan.  Uyda besh kishi yashashi mumkin. Unga zinalar va kichik lift orqali chiqiladi. 

Daraxtli uy Treehotel'ga tegishli bo‘lib, kompaniyaning asosiy maqsadi sayyohlarga qutb chizig‘idagi shimol yog‘dusini tanishtirishdir. 

Treehotel tarkibida shuningdek, yana skandinaviyalik arxitektorlar yaratgan oltita Treehouse mehmonxonasi mavjud. Biroq Snoxetta tomonidan qurilgan yuqoridagi uy kompaniyaning eng baland va katta mehmonxonasi sanaladi. 

Teglar