ДНК кодидаги «хатолар» тамакига тобеликни келтириб чиқарар экан

Саломатлик 11-11-2018

Париждаги Пастер Институти ходимлари тадқиқотлар давомида CHRNA5 генлари мутациясини аниқлашди ва уни 5SNP дея номлашди. ДНК кодидаги айнан шу «хатолар» инсонларнинг тамакига тобелигига таъсир кўрсатади, дейилади «Ортодокс» тиббий порталида.

Олимларнинг сўзларига кўра, чекишга тобелик психологик эмас, генетик табиатга эга.

Тадқиқотчилар сичқонлар иштирокида тажриба ўтказишган. Мутахассислар кемирувчилар танасига CHRNA5 генини киритишган. Сичқонлар жойлашган катакка тамаки тутуни йўлланган. Маълум бўлишича, фақат CHRNA гени киритилган сичқонлардагина никотинга тобелик пайдо бўлган. Қолган сичқонлар тутунга реакция билдирмаган ёки уларда тобелик дефект генли сичқонларга қараганда кўпроқ вақт ўтгачгина қайд этилган. 

Тадқиқотчиларнинг таъкидлашича, кейинги босқичда улар одамлар учун зарарли одатлардан халос бўлишга ёрдам берувчи препаратларни ўйлаб топишади. Гап фақат сигаретларда эмас, балки спиртли ичимликлар ва гиёҳванд моддалар ҳақида ҳам. Мазкур кашфиёт экспертларга CHRNA генида 5SNP мутациясини йўқ қилувчи дори воситаларини ишлаб чиқиш имконини беради. Натижада одамлар тамаки, гиёҳванд моддалар ва спиртли ичимликларга тобеликдан қутулишади. 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ