Дунё муҳитини янада яхшиловчи тўрт ғаройиб технология

Гаджетлар 21-03-2017

Дунё миқёсида кундан-кунга янги технологиялар ишлаб чиқилмоқда, кимдир уларга ижобий муносабат билдирса, кимдир салбий изоҳ беради. "Hi-Tech" бизга янада яхши яшаш учун ёрдам бериши мумкин бўлган янги технологияларга оптимистик ёндашишни таклиф қилади.

 

Нефть йиғишга мўлжалланган губка

Яқиндагина бу губка жумоатчилик ва жаҳон янгиликлар ленталарида катта муҳокамага сабаб бўлганди. Ҳозир эса уни қўллашга оид видеороликлар кўпчиликни қойил қолдирмоқда. Наҳотки, дунё океанларининг ифлосланиши муаммоси ҳал қилинган бўлса? Ажойиб губка технологиясини тушунишга ҳаракат қиламиз. У тахминан қуйидагича ишлайди.

Америкалик олимлар губкани ёдга солувчи ноёб материални намойиш қилишди, у ўз массасидан 90 карра кўп бўлган нефтни тортиб олиш хусусиятига эга.

Ғаройиб губканинг гигант сузиш ҳавзаларида ўтказилган синовлари унинг дизель ёқилғиси ва хом нефтни сув юзасидан ажойиб тарзда тортиб олишини кўрсатган. Тадқиқот натижалари Journal of Materials Chemistry A илмий нашрида чоп этилган мақолада тўлиқ баён қилинган.

 

Бутилкалар қумга айланади...

Бунга ишониш қийин, лекин қумли соҳиллар йўқолиш арафасида. Экологлар аллақачон бу ҳақида бонг уришни бошлаб юборишган. Бунга сўнгги вақтларда саноатнинг кўплаб соҳалари томонидан қумга бўлган талабнинг ошиши  сабаб бўлмоқда. Вазиятни яна бир мўъжизавий қурилма қутқариши мумкин - DB Export компаниясининг янги ихтироси шиша бутилкалардан қум "чиқариш"ни билади.

У қандай ишлайди? Ҳаммаси оддий: бутилкалар қурилма ичида улкан тезликда айланувчи кичик металл болғачалар ёрдамида қумга айланади. Айтганча, машинанинг номи - Beer Bottle Sand Machine. Бу агрегат бир бутилкадан 200 грамм қум "ишлаб чиқаради".

Таъкидлаш жоизки, қурилма ҳатто этикетни олишни ҳам унутмайди. Бу жараён махсус вакуум қурилма туфайли амалга ошади. Машинани истаган жойга ўрнатиш мумкин, масалан - барларда, - ишлаб чиқарувчининг режалари шундай. Технология бизни кўплаб кераксиз бутилкалардан халос қилади, шу билан бирга, соҳилларнинг йўқолиб кетишининг олдини олади.

 

Пластикни қайта ишловчи завод - ҳар бир уйда

Пластик — олимлар анчадан бери турли технологиялар ишлаб чиқариб, курашиб келаётган глобал муаммо. Пластикдан ёқилғи ва синтетик тола яратиш ўйлаб топилган. Бироқ буларнинг барчаси йирик ҳажмли ва қимматбаҳо ускуналарни талаб қилади, яна шуниси борки, қайта ишланган технология ўз-ўзидан атроф-муҳитга зиён етказади.

Precious Plastic стартапи ноодатий қарорни таклиф қилади: ҳар бир уйга мўлжалланган минизавод. Асосий хом-ашё - майдаланган пластик.

Лойиҳанинг ажойиблиги шундаки, уни сотиш таклиф қилинмайди: лойиҳа иштирокчилари уни йиғишга оид кўрсатмани ҳамма билан бўлишишади. Материал ва асбобларни топиш эса қийинчилик туғдирмайди. Уёғини ўзингиз ҳал қиласиз: пластикни хоббига айлантириш ёки хаёлингизга келган нарсани ишлаб чиқариш бўйича кичик бизнесни йўлга қўйиш.

Шундай ускуналар туфайли борган сари оммалашаётган 3D-принтерлар учун пластик олиш мумкин. Бундан чиқди, пластик бутилкалардан ҳақиқатда фойдали буюмлар ясаш мумкин экан-да, яна ўз қўлларингиз билан!

 

Гуруч сув ҳавзаларини тозалайдими?

Йил бошида Узоқ Шарқ федерал университети олимлари сув тозалашнинг инновацион усулигини намойиш этишди. Унда гуруч сомонидан ишланган сорбент қўлланади.

Ишлаб чиқарувчиларнинг таъкидлашича, табиий сувларни ифлослантирувчи энг кенг тарқалган моддалардан бири сульфидлар ҳисобланади. Маиший дренажлар ва саноат корхоналари чиқиндилари уларнинг манбаи ҳисобланади. Янги технология сульфидларни юқори самара билан (91 фоизгача) сувдан бартараф этиш имконини беради.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ