Dunyodagi eng ekstremal attraksionlar

  • 08:48 / 12.03.2019
  • 3801

Ko‘ngilochar attraksionlarni yoqtirasizmi? U holda bu maqola sizga albatta yoqadi. Unda dunyodagi eng aql bovar qilmas attraksionlar haqida so‘z yuritamiz.

«Osmon minorasi»

Bu attraksion Tivoli Friheden bog‘ida joylashgan. Bu yerda sizni arqonga osiltirib, keyin pastga tushirishadi. Pastda batut ustiga tushasiz.

«Kolossus»

Bu klassik amerikacha tepaliklar. Attraksion vagonchalari 65 km/soatgacha tezlik olishi mumkin. U yerdagi ilmoqlar juda baland, shuning uchun attraksiondan oldin ovqatlanmaslik kerak.

«Aqlsiz»

Bu dunyodagi eng vertikal suvli qoya. Undan tushish bor-yo‘g‘i 4 soniya davom etadi. Bu vaqt davomida tezlik 105 km/soatgacha yetishi mumkin.

«Katapulta»

Katapulta Nevada shtatidagi minora tepasida joylashgan. Attraksion tashrifchilarini o‘rindiqqa o‘tkazib, 300 metr balandlikka ko‘tarishadi va keskinlik bilan pastga uloqtirishadi.

«Smayler»

Bu attraksionni yaratish ustida professional ruhshunos ish olib borgan. Uning yordamida attraksionni yaratganlar ijodkorona dizayn ishlab chiqishga erishganlar. U mazkur qoyadan tushish vaqtida optik illyuziya hosil qiladi. Vagoncha soatiga 85 km tezlikda harakatlanadi.

Teglar