Dunyoning eng hayratlanarli hovuzlari

  • 13:19 / 28.01.2015
  • 4555

Suv — hayot manbai. Bir necha dardga davo bo‘ladigan, kayfiyatni ko‘tarib, insonni tetiklashtiradigan mashg‘ulotlardan biri suzishdir. Amerika qit'asidan Avstraliyaga qadar, mavjud eng ajabtovur hovuzlar haqida bilib oling.

 Ijtimoiy tarmoqlardagi do‘stlaringizga ham maqolani o‘qishni tavsiya qiling! 

• Oltin quvvat havzasi

Agar xumordan chiqquncha pul sarflash niyatingiz bo‘lsa, Tibetdagi besh yulduzli avliyo Rejis dam olish maskaniga yo‘l oling. Bir kechaga 300 dollar to‘lab, Himolayning og‘zingizni ochib qo‘yadigan darajadagi beqiyos ko‘rinishidan huzur qilishingiz mumkin. Bu kurortda qolish bilan olamda yagona, tilla bilan bezatilgan suv havzasidan baxramand bo‘lish imkonini ham qo‘lga kiritasiz. Uning suvi tuzlangan va 28-32 (Selsiy) darajada isitilgan. Bu yerda oyoqlaringizni uqalatishingiz va yana turli taomlarga buyurtma berish kabi eksklyuziv imkoniyatlardan foydalanishingiz mumkin.

• “Nefrit tog‘i” dam olish maskanining hovuzi

Karib dengizining yashirin olmosi hisoblangan avliyo Lusia orolida joylashgan ushbu hovuzni (k)o‘rib ko‘zingizga ishonmaysiz. “Nefrit tog‘i” afsonaviy maskan bo‘lib, unda alohida plyajlar, a'lo darajadagi spa muolajalari va har bir xona derazasidan ko‘rinadigan go‘zal manzaralari bilan mashhur. Bu ko‘plar uchun “asal oyi” o‘tkazish tanlovini beradi. Biroq ushbu orombaxsh joyda bir kecha qolish uchun “atigi” 1550 AQSh dollari kerak bo‘ladi. Boshqa tomondan orzu qilish bepul-ku!

• Xavasu sharsharasi tabiiy hovuzi

Arizona shtatining Supai shahri yaqinida Xavasu sharsharasi bor. Agar hech kim suzib ko‘rmagandek suzish istagida bo‘lsangiz, shu joyga keling. Mahalliy Xavasupay xalqining milliy madaniyati va ona tabiatning hayratlanarli ko‘rinishi uyg‘unlashgan bu joyga sayyohlar cheklangan miqdorda kirishi mumkin. Yana Xavasupay qabilasidan ham ruxsat olishingiz kerak bo‘ladi. Nima ham derdik, jon kuydirmasang, jonona qayda?

• "Chongwe River House" hovuzi.

Sovuq suvda bo‘kib, yovvoyi sayohat qilishga nima deysiz? Zambiadagi "Chongwe River House" mehmonxonasiga tashrif buyuring. Bu mehmonxona Chongvi daryosi uzra joylashgan suv havzasi(ning) o‘zgacha dizayni bilan hammani lol qoldiradi. Bir kechaga 550 AQSh dollari to‘lash evaziga suvda xalovat topib, yovvoyi tabiat mo‘jizalarini kuzatasiz.

• “The Cambrian Hotel” hovuzi

Shvetsariyaning 20 ta eng zo‘r sixatgoh mehmonxonalari qatoriga kirgan “The Cambrian Hotel” Abelboden shahrida joylashgan. Alp tog‘lari ustidagi bepoyon hovuzni ko‘rib og‘zingiz ochilib qoladi. Bu maskan yil davomida tashrif buyuruvchilar uchun ochiq bo‘lib, ikki kishilik xonalar uchun bir kechalik narx 216 dollardan boshlanadi.

• “Hotel Caruso”dagi sarhadsiz hovuz

Italiyaning o‘zgacha jilo berilgan XI asrga tegishli saroyi xuddi O‘rta Yer dengizining ayvoniga o‘xshaydi. Siz tog‘lar va dengiz manzarasini jozibali yarimoy shaklidagi sarhadsiz hovuzdan turib tomosha qilishingiz mumkin. 

 "San Alfonso del Mar" dengiz suvi hovuzi

Chilining Algarrobo shahridagi dabdabali kurort dunyodagi eng katta suzish havzasiga ega ekan. Tasavvur qiling-a, katta miqdordagi toza dengiz suvi xususiy qumli sohilga tutashgan. Agar bu makonda orom olishga qaror qilsangiz, “okean to‘lqiniga borib ko‘rsammikan?”, “shu bahaybat hovuzda qolaversamchi?”, degan xayollar sizni cho‘lg‘ab oladi.

• Timsohozavrlar g‘ori hovuzi.

Ruhiy ta'sirlanishga ta'bingiz qalay? Agar yuragingiz baquvvat bo‘lsa, a(A)vstraliyaning Darvin shahridagi timsohlarga to‘la ushbu hovuzga bir sho‘ng‘ib chiqing. Suv ostida 200 tadan ko‘proq maxluqot bo‘lib, ular ichida uzunligi besh metrga yetadigan ulkan timsohlar ham bor! U yerga kuniga o‘n ikki marta 9:30 dan 17:00 gacha himoyalangan qafasda sho‘ng‘ish mumkin. Bir kishi uchun bunday sarguzasht 160 dollarga tushsa, botir do‘stingizni o‘zingiz bilan olib olsangiz 240 dollar to‘laysiz.

• “One&Only Reethi Rah” hovuzi

Aslida, Maldiv orollaridagi ushbu nufuzli spa mehmoxonasidagi bu suv inshooti okean ichidagi hovuzdir. Ushbu manzara ko‘rinadigan villani bir kechaga ijaraga olish 2250 AQSh dollariga aylanadi.

• Nemo 33 hovuzi

"Ginnes rekordlari" kitobiga dunyodagi eng chuqur hovuz sifatida kiritilgan ushbu suv havzasi Belgiyaning Brussel shahrida barpo etilgan. G‘avvozlar uchun maxsus yaratilgan ushbu majmua yil bo‘yi faoliyat olib boradi. U yerda siz bor yo‘g‘i 61 dollar evaziga sho‘ng‘ish bo‘yicha saboq olishingiz, sertifikatingiz bo‘lgan taqdirda esa 28 dollar to‘lab, suv ostiga yo‘l olishingiz mumkin.

• Oberoy Udaivilas hovuzi

Maxaroja sarguzashtlarini boshdan kechirishni istovchilar uchun yaxshi variant. Qadimgi Mevar qirolligining maftunkor oq poytaxti Hindistonning Udaypur shahrida 55 akr maydonni egallagan Oberoy Udaivilas kurortiga marhamat! Pichola ko‘lining manzarasi bilan tutashgan jilvakor hovuz va serviqor bog‘lar saroyning o‘ziga xos manzarasidir. Ammo holva degan bilan og‘iz chuchimaydi. Ushbu ertaknamo sharqona lazzatning bahosi 525 dollardan boshlanadi.

• "Library Resort"dagi qizil hovuz

 Tailanddagi ushbu hovuz turfa ranglar bilan bezatilgan. U o‘zining betakror uslubi va ko‘zni qamashtiruvchi nafosati bilan odamlar e'tiborini tortmoqda. Agar basseynda suzib ko‘rishni xohlasangiz, 320 dollar to‘lashga tayyor turing.

• "Grand Hotel Tremezzo"dagi suzuvchi ko‘lmak hovuzi

Italiyaning Komo ko‘lida suzib chiqing-u, Bellajio tog‘laridan ko‘rinib turadigan ajoyib hovuzda chigal yozing. "Grand Hotel Tremezzo" mehmonxonasida ichkaridagi “cheksiz hovuz”, beshta jakuzi va spa muolajalaridan baxramand bo‘lasiz. Karmoningizda har kecha uchun kamida 522 dollar bo‘lsa bo‘lgani.

• Pamukkale haroratli hovuzlari

Tabiat mo‘jizalaridan biri bo‘lgan bu tabiiy suv havzalari moviyligi va jozibasi bilan barchaning hayratiga sabab bo‘ladi. Bu maskan Turkiyaning janubi g‘arbidagi Denizli qishlog‘ida joylashgan bo‘lib, u yerga kirish bir kishi uchun 13 dollarga tushadi.

• "Como Shambhala" spa hovuzi

Balining Ubud shahri yaqinidagi chakalakzorlarda yashiringan ushbu maskan dunyo tashvishlarini unutish va orom olish uchun zo‘r joydir. Salomatligingiz haqida qayg‘urish va ozgina o‘zingiz haqingizda o‘ylashingiz uchun qulay makon. Bu yerda sizga har kuni yoga mashg‘ulotlari, spa va menyusi sog‘lom taomlar bilan to‘la bufet taklif etiladi. Oromgohdagi xonalarda qolish narxi bir kechaga 600 dollar.

• Bondi aysberg jamoat hovuzi

Sidneydan chamasi 15 daqiqa yurib, Bondi hammomlariga yetib kelish mumkin. Dengiz suvi to‘ldirilgan jamoat hovuzi qariyb bir asrkim dunyo bo‘ylab sayyohlar e'tiborini jalb etayapti. Eng yaxshi tomoni shundaki, million dollarga arziydigan ko‘rinishga ega bu hovuzda cho‘milish kattalar uchun 5,5, bolalar uchun 3,5 dollar turadi. Basseyn ertalab 6.30 dan kechasi 19.30 gacha ishlaydi.

• Ik Kil g‘ori hovuzi

Yana bir g‘aroyib tabiat qo‘ynidagi hovuz Meksikodagi Ik Kil me'moriy bog‘ida joylashgan. Dum-dumaloq ko‘rinishdagi hovuzchaning kengligi 29 metrni, chuqurligi esa salkam 40 metrni takshil etadi. Sharsharalar, dengizning sadaf suvlari va yovvoyi jungli tabiatini tomosha qilib suzish uchun atigi 6 dollar to‘laysiz.

• "Purobeach Pool"

Chernogoriyaning Porto shahrida joylashgan hashamatli plyaj klubi kun davomida tin olish va kechga borib dam olish uchun mo‘ljallangan. Klub 64 metrlik hovuz, ikkita bar, muolajalar stoli, restoran va bir nechta butiklarni o‘z ichiga oladi.

• "Harbour Plaza" mehmonxonasi hovuzi

"Victoria Harbour" va Gong Kong shahrining ko‘kka tutashgan binolarini tomosha qilish uchun eng zo‘r joy "Harbour Plaza" mehmonxonasining 23- qavatidagi hovuzdir. Bu yerga faqat mehmonxonada tunayotgan mijozlar kirishi mumkin. Bir kecha qolish esa taxminan 200 dollarga tushadi. 

• Giola tabiiy hovuzi

Gretsiyaning sirli javohiri Giola Tassos orolining janubiy tomonidagi Astris qishlog‘ida joylashgan sadafdek sof hovuzdir. Bu yerga yetib kelishda qiyinchiliklar bor. Chunki sizdan 2 kilometr piyoda yurish talab etiladida. Biroq 8 metr balandlikdan feruza suvga sho‘ng‘ish uchun "ozgina" yurish nima bo‘libdi?

Teglar