Eng mehnatkash shaharlar

  • 04:28 / 28.10.2015
  • 26758

Shveytsariyaning “UBS” banki aholisi ko‘p ishlaydigan shaharlar reytingini e'lon qildi.

10. Bogota

Dunyodagi eng mehnatkash shaharlar reytingini Kolumbiya poytaxti Bogota yakunlab beradi. Bu shahar aholisi bir yilda o‘rtacha 2096 soat ishlaydi.

9. Jakarta

Indoneziya poytaxti Jakartaning aholisi bir yilda o‘rtacha 2102 soat mehnat qiladi. Dunyodagi eng kam mehnat ta'tili ham ushbu shaharda deyish mumkin – yiliga atigi 12 kun. Shanxay, Pekin va Bangkokdagina ta'til kunlari undan ham oz.

8. Taybey

Tayvan orolidagi Taybey shahri aholisi bir yilda 2141 soat mehnat qilishiga to‘g‘ri keladi.

7. Nayrobi

Keniya poytaxtida yiliga o‘rtacha 2184 soat ishlashadi. Haq to‘lanadigan mehnat ta'tili 22 kunga teng.

6. Dubay

Dubay o‘zining osmono‘par binolari bilan mashhur. Bu shahar aholisi qancha vaqt ishlashi haqida emas ko‘pchilik bilmaydi. Dubayliklar bir yilda 2186 soat mehnat qilishadi. Haq to‘lanadigan mehnat ta'tili esa 30 kun.

5. Bangkok

Bangkokda bir yilda o‘rtacha 2191 soat ishlashadi, haq to‘lanadigan mehnat ta'tili atigi 9 kun. To‘g‘ri, bu yerda 16ta davlat bayrami bor, shuning hisobiga umumiy ta'til kunlari besh haftani tashkil etadi.

4. Nyu-Dehli

Nyu-Dehli aholisi bir yilda 2214 soatni ishga bag‘ishlashadi.

3. Mexiko

Iqtisodiy hamkorlik va taraqqiyot tashkilotining ma'lumotlariga qaraganda, Meksika ish kunining uzunligi bilan ajralib turadi. Shuning uchun Meksika poytaxtida aholi bir yilda 2261 soat ishlashiga ajablanmasa ham bo‘ladi.

2. Mumbay

Hindistonning Mumbay shahri aholi eng zich joylashgan shaharlardan biridir. “UBS”ning tadqiqotlariga qaraganda, mumbaylik ishchi bir yilda 2277 soat mehnat qiladi.

1. Gonkong

Gonkong xalqi sayyoramizdagi eng ko‘p mehnat qiluvchi xalqdir — bu yerda bir yilda 2606 soat ishlashadi.

Dunyoning 71ta shahrida tadqiqot o‘tkazgan “UBS” shunday deb yozadi:

“Dunyodagi barcha mehnatsevar insonlar Gonkongda yashashlari kerak. Bu yerda haftasiga o‘rtacha 50 soatdan ko‘proq mehnat qilinadi, mehnat ta'tili esa atigi 17 kun”.

Taqqoslash uchun, parijliklar bir yilda bor-yo‘g‘i 1604 soat ishlashadi, haftalik ish vaqti esa 35 soatga teng.

Bizda esa haftasiga 36 soatlik ish vaqti joriy qilingan bo‘lib, bir yilda 24 kunlik haq to‘lanuvchi mehnat ta'tili beriladi. Bu esa bir yilda o‘rtacha 1656 soat degani.

Teglar