Ёзувчи танг аҳволдан қандай чиқиб кетади? Эрнест Хемингуэй қоидаси

Дизайн 10-11-2014

Кичик мақола ёзасизми ёки 500 саҳифали романми — фарқи йўқ. Баъзан икки қатор ёзиш ҳам жуда қийин бўлади. Тоза қоғозга ёки бўш экранга тикилиб ўтираверасиз, ўтираверасиз, ярим соат вақт ўтиб кетганини сезмай қоласиз.

Тикилиб ўтиришдан эса фойда йўқ

Эрнест Хемингуэйнинг ижод билан боғлиқ танг аҳволдан чиқиб кетишда бир қоидаси бор эди. Бу қоида унинг тинмай ёзишига ёрдам берарди.

Хемингуэй даҳо ёзувчи эди! Лекин баъзан унда ҳам ижодий инқироз кузатиларди. Бундай ҳолатлада у қандай йўл тутарди? Билишга қизиқяпсизми? Унда мақоланинг давомини ўқинг.

“Баъзан, янги воқеани бошлай олмаганимда, камин ёнига ўтириб, оловнинг кўк тиллари гуриллаб ёнишига тикилиб, апельсин пўчоғини ташлайман. Туриб, Париж томларига қарайман-да, ўзимга: “Ташвишланма. Аввал ёзгансан ва ёзишда давом этасан. Асосийси — битта ҳақиқий гап ёзиш”, дейман.

Ҳар қандай воқеа — ҳажмидан қатъи назар, у китоб бўладими ёки ҳикоями — битта ҳақиқий гапдан бошланиши керак. Кейинги гал экран қаршисида танг ҳолатда ўтирганингизда, қуйидаги кўрсатмаларни эсланг:

1. Муҳим бирон нарса ҳақида ўйланг.

2. Битта арзирли гап ёзинг.

3. Ўқувчиларингизга шу гапга асосланиб қизиқ воқеани айтиб беринг.

Биттагина гап ёзгач, қандай бошлашни ўйлашни бас қиласиз. Бунинг ўрнига воқеани қандай ҳикоя қилишни ўйлай бошлайсиз, бу эса бўш экранга анқайиб ўтиргандан яхшироқ, тўғрими?

 

Сиз ҳикоя қилган воқеани танқид қилишлари мумкин, лекин бу муҳим эмас. Бу сизнинг воқеангиз, сиз ўқувчининг қўлидан тутиб, воқеалар ичига олиб киришингиз ва кўрсатишингиз мумкин, чунки сиз ёзаётган воқеа — муҳим. Шунчаки битта арзирли гап топишингиз керак.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ