32°
Kechasi 21°
Kecha, 24-mart oqshomida Oʻzbekiston milliy terma jamoasi Boliviyaga, Olimpiya terma jamoasi esa Kot-dʼIvuarga qarshi oʻrtoqlik oʻyinida ishtirok etdi.
Saudiya Arabistonida oʻtkazilgan uchrashuv vakillarimizning kichik, 1:0 hisobidagi gʻalabasi bilan yakunlandi. 36-daqiqada Eldor Shomurodov jamoasining tezkor qarshi hujumidan keyin yuzaga kelgan vaziyatni golga aylantirdi.
Bu toʻp Shomurodovning milliy jamoadagi 34-goliga aylandi.
Shu tariqa, bu borada u Oʻzbekiston milliy terma jamoasining eng yaxshi toʻpurari Maksim Shaskixga tenglashib oldi. Keyingi oʻrinlardan Aleksandr Geynrix (31 ta gol) va Mirjalol Qosimov (30 ta gol) joy olgan.
Uchrashuv yakunlanishi arafasida raqib futbolchisi darvozabon bilan birga-bir vaziyatga chiqib borayotgan Aziz Turgʻunboyevni toʻxtatib qolgani uchun toʻgʻridan toʻgʻri qizil kartochka bilan jazolandi.
Oʻrtoqlik oʻyini
Oʻzbekiston — Boliviya 1:0
Gol: 1:0 – 36ʼ Shomurodov.
Chetlatish: Segredo (90+5).
Qayd etish mumkin, Srechko Katanes shogirdlari keyingi oʻrtoqlik oʻyinini 28-mart kuni Venesuelaga qarshi oʻtkazadi.
Oʻz navbatida, kecha Oʻzbekiston Olimpiya terma jamoasi Kot-dʼIvuarga qarshi oʻrtoqlik oʻyinida maydonga tushdi. Tomonlar 0:0 hisobidagi durangga imzo chekishdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
