“Ғалати”лигингиздан уялманг

Психология 6-06-2015

“Ғалати” эканлигингиз — ижодий салоҳиятингизнинг юксаклигидан далолат эканлиги ҳақида тушунтириб беришга ҳаракат қиламиз.

Қандай қилиб дейсизми?

Ишхонада тез-тез расмиятчилик билан тўқнаш келинади. Дресс-код, қаттиқ интизом, ўзгарувчан фикр учун танбеҳ эшитиш, сезиларли иерархия — хуллас буларнинг бари ходимларни тартиб-интизом асосида ишлашга мажбур этади. Шундай соҳалар борки, бу каби расмиятчиликларсиз бўлмайди, аммо ижодий соҳада бундай йўл тутиш хато ҳисобланади. Айнан шу боис аксари компаниялар ўз ходимларидан ўзларидаги табиий “ғалати”ликни яширмасликларини илтимос қилишади.

Zappos интернет-дўкони ва тозаловчи маҳсулотлар ишлаб чиқарувчи Method компаниясида ишга янги қабул қилинаётган ходимлардан биринчи суҳбатданоқ уларнинг ғаройиб одатлари ҳақида сўрашади. Юқоридаги икки компания асосчиларининг фикрича, ходимлар ишда ўзларини худди уйларидигидек тутишсин, фақат бу жамоатчиликка ҳалақит бермаса бўлди. Кимгадур ишхонада пижамада юриб ишлаш қулайдир, яна кимдир эса иш вақтида шляпа кийиб меҳнат қилишни ёқтирар — нима бўлган тақдирда ҳам ходимларга нисбатан бундай чора қўллаш, иш унумдорлигига ёрдам берса берадики, асло зарар келтирмайди. Компаниялар ходимларнинг ички дунёлари билан ҳисоблашган ҳолда фаолият олиб боришни ўзларининг дастурларидан бирига айлантиришган.

Иқтидорли киши ўнлаб одамларнинг ишини қилиши мумкин, шунчаки унга эркинлик берилса бас.

Atari асосчиси Нолан Бушнелл айнан ўзларини ғалати тутган одамларни ишга қабул қилгани ҳақида сўзлашни ёқтиради. Улардан бири кўпчиликнинг гувоҳлик беришича, унчалик ҳам чиқишиб бўлмайдиган Стив Жобс бўлган. Бушнелл уни тунги сменага ишга қўяди ва шунда шу нарсага амин бўладики, иқтидорли кишига эркинлик берилса, у ўнлаб ходимнинг ишини бир ўзи қиларкан. Бу усул меҳнатда юксак натижаларни беради, албатта, бироқ барчасини ўзимиздан бошламоқ керак. Чунки ғаройиблик феълимизнинг бир кўриниши холос. Ғалатилик ҳаммада бор, кимки, уни юзага чиқаришдан уялса, билсинки, у бу борада доим ютқизади.

Роберт Саттон, менежмент мутахассиси

“Гоҳида ғалатилик ёқимли кўринади ва атрофдагиларга илиқ кайфият улашади. Бироқ ижоддаги ғалатилик ён-атрофдагиларга ноқулайлик олиб келиш мумкин”.

Сарвар Анвар ўғли тайёрлади.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

  • Sherzod Shodiyevich
    2 йил олдин


    Xurmatli "XABARDOR" ijodkorlari iqtibosli mavzular siyraklashib qoldi.Iloji bo'lsa yevropa madaniyati iqtiboslaridan chiqarizlar!
Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ