Ҳар қандай карьерада зарур бўлган энг керакли кўникмалар

Карьера 18-10-2018

Блогер Тим Деннинг ўзининг Medium’даги постида компанияда ишлайсизми, ёки ўз бизнесингизни юритасизми сиз учун карьерангизда зарур бўлган кўникмалар ҳақида сўзлаб берган.

Фото: Pixabay

Кўникмаларнинг тўғри тўплами сизни тенги йўқ ходимга айлантиради. Уларга эга бўлиш орқали:

  • қанча пул ишлаб топишни танлаш;
  • компанияда ишлаб, бир вақтнинг ўзида ўз бизнесингизни ривожлантириш;
  • сизда иштиёқ уйғотадиган устозларни топиш;
  • ҳар қандай нарсага “йўқ” дейиш;
  • муҳим инсонлар ҳурматига сазовор бўлиш;
  • тўғри маслаҳатлар бериш;
  • бошқаларда иштиёқ уйғотиш имкониятига эга бўласиз.

Агар ана шундай натижаларга эга бўлишни истасангиз, сизга айтиб беришни истаган кўникмаларимга диққатингизни қаратинг.

Компания учун ишлаш

Кўпчилик ишни компания ёки мижоз фойдаси учун эмас, бошқаларга яхшироқ кўриниш учун бажаради.

“Ўрганиш керак бўлган энг муҳим кўникмалардан бири - иш вақтида фақат ўзини ўйламаслик. Ҳаракатларингиз ортида яширинган худбинликни одамлар яққол сезишади”.

Ижтимоий тармоқларни юритиш

Фото: Pixabay

Ижтимоий тармоқлардан тўғри фойдаланиш орзу ҳам қилмаган натижаларга эришишингизда ёрдам беради. Ижтимоий тармоқлардаги аккаунтларни тўғри юритиш борасидаги маслаҳатлар қуйидагича:

  • “Бугун мен кимни кўрганимни қаранглар” қабилидаги суратларни жойлаштиришни бас қилинг.
  • Ижтимоий тармоқларда ҳар куни битта саҳифани юритинг. Мен LinkedIn’ни тавсия қилган бўлардим.
  • Оригинал контентни жойлаштиринг.
  • Одамлар нима деб ўйлашидан хавотирга тушманг.
  • Муайян соҳада мутахассисга айланинг. Кейин ана ўша мавзу ҳақида гапиринг.
  • Бетакрор ва қизиқарли бўлинг.

Ноҳақлигингизни тан олинг

Мен ноҳақлигини тан олишни рад этадиган кўплаб одамларни учратганман. Бундай одамлар барчасига компанияни айбдор ҳисоблаб, доимо янги иш қидириш билан овора бўлишади. Сиз бундай қилманг. Кўпинча гап компанияда эмас, сизда.

Фото: Pixabay

Камроқ хато қилиш

Самарали ишлаш учун вақтингизнинг кўп қисмини муваффақиятсизликка сарфлай олмайсиз. Акс ҳолда қўлидан ҳеч нарса келмайдиган аҳмоқсиз. Ҳа, биз хатолар қилишимиз керак, бироқ улар тез-тез юз берса, фахрланишга арзийдиган жиҳатларингиз йўқ. Муваффақиятсизликлар ортида ғалаба ётсагина, улардан фахрланиш мумкин.

Қарорлар қабул қила олиш

“Ҳа” ёки “йўқ” дейишни ўрганинг. Бизнесда аниқ жавоб айта олмайдиганларга тез-тез дуч келасиз. Улар нейтрал ва хавфсиз томонни танлайдилар.

Бетакрор бўлиб кўринишга уринмаслик

Кимдир сизни муваффақиятсиз деб ҳисоблайди; яна кимдир сизда Суперменни кўради; яна бошқалар сизни ақлдан озган ва бизнесда ҳеч нимани билмайсиз деб ҳисоблайди.

Ўз даврингизнинг 100 фоиз ажойиб одами  бўлиб кўринишга уринманг. Бу кишини чарчатади. Агар ўзингизга нисбатан танқидни эшитсангиз, бу қолганларга етарли даражада таъсир ўтказа олмаётганингизни англатади.

Камроғини танлаш

Бу менга супер қобилият бўлиб кўринади. Истеъдодли ва муваффақиятли кишилар кўп миқдордаги вазифаларга рўбарў келишганида камроғини танлайдилар. Улар ҳажмга қараганда натижани муҳим ҳисоблайдилар. Агар барини дарҳол бажаришни истасангиз, ҳеч нарсага эришмайсиз.

Фото: Pixabay

Бирор нарсага вақтингизни ажратишингизни сўрашса, кўпинча “йўқ” денг

Бош директорлар ва тадбиркорлар бу кўникмадан кўп фойдаланганларини кўрганман. Бирор ишни бажариш сўралганида деярли ҳар доим “йўқ” деб жавоб беришади. Илтимос асосий устуворликларга мос келганидагина розилик берадилар.

Ўзгалар олдида чиқиш қилиш

Муваффақиятли карьеранинг асосий кўникмаси – мулоқот. Ўзгалар олдида нутқ сўзлашни ўрганинг. Ўзингизга ишонинг ва фикрингизни тўғри баён қилинг – ана шу йўл билан имконсиз нарсани амалга оширган бўласиз.

Фото: Pixabay

Тармоқни шакллантириш

Ҳар сафар муаммога дуч келганимда ана шундай қийинчиликларни бошдан кечирган танишларга маслаҳат сўраб мурожаат қиламан. Фикрларим чекланган, ҳаётимда кўрганларим мавжудларининг мингдан бирини ташкил қилади. Танишларингиз тармоқ тажрибага қараганда муҳим. Уни қуриш бўйича бир неча маслаҳат қуйидагича:

  • Сўраганларига қараганда кўпроқ беринг.
  • Ваъдангизни доимо бажаринг.
  • Қўрқмас бўлинг ва ўз тармоғингиз учун одамларни изланг.
  • Муайян соҳада мутахассис бўлинг.

Ҳикоялар айтиш

Қуруқ фактларни тақдим этишингиз ёки ҳаётий ҳикояларни айтишингиз мумкин. Ҳаётий ҳикоялар сизни тингловчилар билан яқинлаштиради. Бироқ кўпинча уни қандай бажариш кераклигини билмаймиз.

  • Карьерангиз доирасидаги ҳикоялар:
  • қисқа;
  • ҳис-туйғуга бой бўлиши;
  • моҳиятни намойиш этиши лозим.

Айрим ҳикояларнинг маъноси йўқ. Улар кўп вақт олади. Зерикарли ва реал мақсад учун хизмат қилмайди. Ҳикояларни яхши айтиб бериш карьерада таъсирга эга бўлиш ва самарадорлик учун зарур.

Фото: Pixabay

Ўз-ўзингизга ишониш

Муваффақиятли ва самарали карьера ягона ғоя устига қурилади: бошқа киши сизга ишонишидан олдин ўзингизга ишонишингиз лозим. Ҳар биримиз ҳар куни орзуимиздаги карьерани қуриш йўлида қийинчиликларга дуч келамиз. Шунинг учун муҳими – энг бошданоқ ўз-ўзингизга ишониш. Қолгани ана шу умид уруғидан униб чиқади.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ