Ҳаётингизни ўзгартирадиган 2 дақиқа

Оммабоп 26-11-2018
Фото: Лайфхакер

Бизга бахтли бўлишни ўргатадиган китоб ва мақолалар талайгина. Бироқ уларни ўқиш учун кўп вақт талаб этилади. Ушбу мақолани ўқиш учун эса бир неча дақиқа кетади, бироқ унинг самараси ҳайратланарли.

Бахт

Бахтсизман. Ҳаётингиздаги бирор нарсани ўзгартиринг. Ёки ўзингизни ўзгартиринг.

Нимани ўзгартиришим керак? Исталган нарсани. Бирортасини танланг ва ҳаракат қилишни бошланг.

Бошим айланяпти. Чуқур нафас олинг. Дастлаб назорат қилиш имкони бўлган нарсадан бошланг.

Балки пулим кўпроқ бўлса, ўзимни бахтлироқ ҳис қиларман. Ҳа, бироқ қайсидир даражада.

Пулдан ҳам муҳим нарса борми? Биз учун қадрли бўлган кишилар билан ўтказилган вақт. Биз учун муҳим бўлган нарсаларга сарфланган вақт. Ёдингизда бўлсин, ўтиб кетган вақтни ортга қайтариб бўлмайди.

Вақт

Вақтим ҳеч нарсага етмайди. Демак, устуворликлар нотўғри белгиланган.

Бироқ улгуриш керак бўлган ишлар шу даражада кўпки. Камроқ вазифани бажаринг. Кўпроқ “йўқ”денг.

Бироқ бажаришга мажбурман... Агар бирор таклифга дарҳол “Ҳа, албатта!” деб жавоб бергингиз келмаса, “Йўқ” денг.

Бироқ агар “Йўқ” десам хафа бўлишлари мумкин. Бу сизга тааллуқли эмас. Иродангизга қарши боргандан кўра рад этиш яхшироқ.

Бироқ ҳозир айни пайти эмас. Айни пайтнинг ўзи ҳеч қачон бўлмайди. Агар доим кутсангиз, ҳеч нарса қилолмайсиз. Кейин эса олдинроқ бошламаган эканман, дея ўзингизни айблайсиз.

Муносабатлар

Ўзгаларда қандай қилиб яхши таассурот уйғотиш мумкин? Кўзларига боқинг. Табассум қилинг. Аста-секинлик билан гапиринг.Ўзингизга ишонинг. Тартибли кийининг. 

Уни учрашувга таклиф қилсам бўлармикан? Ҳа. 

Агар рад этса, нима бўлади? Ҳеч нарса йўқотмайсиз, бироқ буни амалга оширмаганингиз учун кейин ўзингизни айблайсиз.

Нима дейман? Салом, сен жуда чиройли, қизиқарли инсонсан. Менинг исмим... Сени бир финжон қаҳва билан меҳмон қилсам бўладими?

Муносабатларимиз мураккаб. Ажралинг.

Бироқ бундан яхшироқ инсонни учратмасам нима бўлади? Эртага сизни автобус уриб юборса нима бўлади?

Мени ташлаб кетишди, юрагим тилка-пора бўлди. Бироқ ҳали ҳам уришда давом этмоқда. Демак, ҳали ҳамма нарса йўқотилгани йўқ.

Энди нима қилиш керак?

Буларнинг бари шу қадар мушкулки. Биламиз! Агар бари шу қадар осон бўлганида, сиз аллақачон бахтли бўлардингиз.

Бироқ қўлимдан келмайди... Ўзингизни бу каби фикрлар билан чеклашни бас қилинг. Бирор нарсани бажариб кўрмагунча унинг уддасидан чиқа олмайсиз.

Буларнинг бари менга барибир ёрдам бермайди. Ҳозир қандай яшаётган бўлсангиз, ана шундай яшашда давом этинг.

Мен ўзимнинг ҳозирги ҳаётимдан норозиман. Агар доимий равишда бир хил иш қилинса, натижа ҳам ўзгармай қолаверади. Биз ё ривожланамиз ва ўзгарамиз, ёки ўламиз.

Қачон бошлаш керак? Ҳозирнинг ўзида.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ