Hindiston to‘g‘risidagi 15 ta qiziqarli ma'lumot

  • 10:12 / 07.11.2018
  • 8550

Butun tarixi davomida Hindiston savdo yo‘llarining markazi hisoblangan hamda boyliklari va yuqori madaniyati bilan dong taratgan. Induizm, buddizm, sikxizm va jaynizm Hindistonda paydo bo‘lgan.

“Hindiston odamzod irqining beshigi, odam nutqi tug‘ilgan joy, tarix onasi, afsona buvisi, an'analarning katta buvisidir. Tarixdagi eng qimmatli va o‘git beruvchi saboqlar faqat Hindistonda qadrlanadi”. (Mark Tven)

1. Mamlakatlar orasida Hindiston ingliz tilida so‘zlashuvchilar soni bo‘yicha AQShdan keyin ikkinchi o‘rinni egallaydi. Hindistonda 125 million kishi ingliz tilida so‘zlashadi, bu mamlakat aholisining bor-yo‘g‘i 10 foizini tashkil qiladi. Ingliz tilida so‘zlashadigan hindlar soni tobora ortib bormoqda.

2. Dunyodagi eng ko‘p vegetarianlar Hindistonda yashaydi. Hindlarning 40 foizga yaqini – vegetarianlar. Jon boshiga go‘sht iste'mol qilish bo‘yicha eng past ko‘rsatkichga ega.

3. XVIII asrda Braziliyada olmoslar topilguniga qadar Hindiston olmoslarni qazib olish va ishlab chiqarish bo‘yicha birinchi o‘rinni egallagan. Ilk marta olmoslar Krishna daryosi deltasidagi Guntur va Krishna rayonlaridan topilgan.

4. 100 million nafarga yaqin kishi har uch yilda bir o‘tkaziladigan ziyoratchilar to‘planadigan Kumbh Mela Festival marosimiga tashrif buyurishadi. Bu dunyoda ko‘p sonli odamlarning bir joyga to‘planishi bo‘yicha yirik yig‘ilish.

5.Dunyodagi 20 ta eng iflos shaharlardan 13 tasi Hindistonda joylashgan. Mumbay havosidan bir kun davomida nafas olish 100 ta sigaret chekishga teng.

6. Dunyodagi eng katta oila Hindistonda yashaydi: u bitta erkak, uning 39 ta rafiqalari va 94 ta farzandlaridan iborat.

7. Jami ziravorlarning 70 foizga yaqini Hindistonda paydo bo‘lgan.

8. Hindistonda 14 millionta qul istiqomat qiladi. Bu jami mamlakatlar orasidagi eng yuqori ko‘rsatkich. 

9. Big Makka pul ishlab topish uchun o‘rtacha kishi Hindistonda taxminan 6 soat mehnat qilishiga to‘g‘ri keladi.

10. Iudaizm 2500 yil avval paydo bo‘lgan. O‘sha vaqtdan beri mahalliy aholi hech qanday antisemitizm belgilarini namoyish etmagan.

11. Prognozlarga ko‘ra, 2050 yilga kelib, Hindiston dunyodagi aholisi eng zich joylashgan mamlakatga aylanadi. O‘sha vaqtda aholisi soni 1,6 mlrd bo‘lishi mumkin. Bu esa AQSh va Xitoy birgalikda qo‘shib hisoblangandagi ko‘rsatkichga teng bo‘ladi.

12. Hind uy xo‘jaliklari dunyoning 11 foiz oltiniga egalik qiladi.

13. 74 foiz hindlar shaxsiy tanlovga qaraganda kelishuv asosidagi nikohni afzal ko‘rishadi. Ehtimol shuning uchun 100 ta nikohdan bor-yo‘g‘i 1 donasi ajralish bilan yakunlanadi. Bu dunyodagi eng past ko‘rsatkichlardan biri.

14. Hindistondagi Shimoliy Sentinel oroli aholisi (North Sentinel Island) hayotiga zamonaviy sivilizatsiya yetib bormagan so‘nggi odamlardandir.

15. Megxalaydagi Mawsynram qishlog‘i – dunyoda odam yashaydigan eng nam joy. Dunyodagi o‘rtacha yog‘ingarchilik miqdorining eng yuqori ko‘rsatkichi unga to‘g‘ri keladi.

Teglar