Ҳозирда энг урф бўлган планшетлар бешталиги

Гаджетлар 1-12-2016

Гаджетлар аллақачон инсон услубининг бир қисмига айланди. Мода кетидан қувадиган кишилар ўз услубига мос янги планшет ёки смартфонлар сотиб олишдан тўхташмайди. Бироқ чиройли корпус гаджетнинг яхши ишлашидан далолат бермайди. Куз ойининг энг зўр планшетлари деб эътироф этилаётган қуйидаги планшетлар нафақат ўзининг қойилмақом дизайни, балки самарали ишлаши билан ҳам ҳайратга солади.

 

Huawei MateBook

Информацион технология борасида жаҳон етакчиси жорий йилда жуда кўп инновацион янгиликлар тақдим этди. Мустаҳкам металл корпусли Huawei MateBook планшет компьютери замон билан ҳамнафасларнинг ажойиб образига кўрк қўшади. Ажойиб дизайн ортида Intel® Core™ процессори ва Windows 10 операцион тизими мавжуд. Планшетда 12 дюйм диоганалга эга Full HD экран бор. Қулай -клавиатура планшетдан компьютер каби фойдаланишга ёрдам беради. Қурилма 4430 мА*c сиғимли аккумулятор туфайли барча оммалашган бизнес-вазифаларни бажара олади. Бу эса 10 соат давомида аралаш режимда ишлаш, 9 соатгача видео томоша қилиш ёки 29 соат мусиқа тинглаш имконини беради.

 

Samsung Galaxy View

Кўп функцияли Note 7 билан содир бўлган барча бахтсиз ҳодисаларга қарамай, Samsung брендининг планшетлари бозорда ўз ўрнини йўқотиш ниятида эмас. Масалан, Galaxy View ҳамон етакчиликни ушлаб қолмоқда ва одамларни диагонали 18,4 дюймли энг катта Full HD экран билан лол қолдирмоқда. Бу деярли 1.6 гГц частотали 8 ядровий процессорига эга портатив телевизор дегани. Икки ёқлама тиргак катта ўлчамли бу қурилмани ишлатишда яхши ас қатади. У туфайли фойдаланувчи исталган ҳолатда ўзига қулай тарзда фильм ва кўрсатувлар томоша қилиши мумкин.

 

Apple iPad Pro 9.7

Ишлаб чиқарувчилар қайд этишича, iPad Pro ўз самарадорлиги билан кўплаб портатив компьютерлардан ўзиб кетади. Бу сўзга бошқа рақиблар қарши чиқиши табиий. Бироқ унинг муносиб хусусиятларини инкор этиб бўлмайди. Retina дисплей – яхшироқ тасвирни, чаққон A9X процессори эса илғор самарадорликни таъминлаб беради. Apple планшетлари орасида мазкур гаджет сўзсиз, биринчи ўринда туради. Кўркам дизайни ҳақида ортиқча баҳога ҳам ҳожат йўқ.

 

Microsoft Surface Pro 4

Surface Pro 4 планшетининг бошланғич тўплами Intel® Core™ m3 процессори билан ишлайди, унинг кучи деярли барча кундалик вазифаларни амалга оширишга етади. 128 ГБ ики ва 4 ГБ оператив хотира оддий ҳамда профессиональ дастурларда ҳам қулай ишлашни таъминлаб беради. Белгили бурчак ва пўлат қопламали дизайнга эга бу планшет бетакрор услуб ишқибозларига ёқиб тушади. Гаджет тўпламида қулай стилус ҳам мавжуд, бироқ клавиатурани алоҳида сотиб олишга тўғри келади.

 

Lenovo IdeaPad Miix 700

Кузнинг энг замонавий ва урфга айланган планшетлари бешлигини Lenovo компаниясининг IdeaPad Miix 700 қурилмаси ёпиб беради. Планшет тўпламида стилус ва алоҳида клавиатура мавжуд бўлиб, ундан дисплейнинг ҳимоя воситаси сифатида ҳам фойдаланиш мумкин. Корпус ҳашамдор тилларанг ва жиддий қора рангларда ишлаб чиқарилган. Ҳар икки вариант ҳам жуда чиройли кўринишга эга. Бу планшет ҳам бошқа кўплаб қурилмалар каби Intel® Core™ m3 процессори асосида ишлайди. Аккумулятор тўққиз соатгача автоном ишни таъминлаб беради. Бу эса кундалик бизнес-вазифаларни тўлиқ ижро этишга етади.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ