Humo Arena очилишида Шавкат Мирзиёев ва хоккей юлдузлари иштирок этади

Жамият 4-03-2019

Президент Шавкат Мирзиёев 15 март куни Тошкентда бўлиб ўтадиган Humo Arena муз саройининг очилиш маросимида иштирок этади.

Шунингдек, хоккей ва фигурали учиш бўйича жаҳон юлдузларининг ташриф буюриши режалаштирилган. Ўзбекистон Хоккей федерациясидан Kun.uz’га аниқлик киритишларича, жаҳон чемпиони ва Олимпия ўйинлари совриндори Павел Буре, шунингдек, олимпия чемпиони ва уч карра жаҳон чемпиони Валерий Каменскийнинг келиши кутиляпти.

Бундан ташқари, таклиф этилган меҳмонлар орасида мамлакат ҳукумати ва парламенти аъзолари, вилоятлар раҳбарлари, жамоат ташкилотлари вакиллари, илм-фан ва маданият ходимлари, Ўзбекистоннинг машҳур спортчилари, паралимпиячилар, дипломатик корпуслар, болалар спорти мактаблари, меҳрибонлик уйлари тарбияланувчилари бор.

Очилиш маросимининг асосий ғояси - спортнинг муз устидаги турлари гўзаллиги ва ўз меъморчилиги ҳамда кўп функцияга эга экани билан ноёб бўлган муз саройи синергияси.

Эслатиб ўтамиз, Humo Arena кўп функцияли муз саройининг қурилиши 2017 йил февраль ойида бошланган. Асосий майдон 12,5 минг кишини сиғдиради ва хоккей учрашувлари учун фойдаланилади. Зал ўтказиладиган спорт тадбирига қараб ўриндиқлар жойлашувини ўзгартира олади. Асосий майдонда баскетбол, волейбол, гандбол, футзал, бокс, таэквондо, шорт-трек, фигурали учиш ва кёрлинг бўйича ўйинлар ўтказилиши мумкин, шунингдек, концертлар ташкиллаштириш имкони мавжуд. Концерт зали шаклидаги сиғим - 10 минг томошабин. 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ