Ijaraga 1000 dollarga qanday uy olish mumkin?

  • 10:58 / 25.05.2015
  • 4453

Ijaraga uy olib yashashning o‘ziga yarasha qiyinchiliklari bor. Barcha sharoitlari bor uy qimmat turadi yoki baland ijara haqi evaziga sharoiti unchalik yaxshi bo‘lmagan uy to‘g‘ri kelib qolishi mumkin. Dunyoning turli shaharlarida oyiga ming dollar evaziga qanday uyda yashash mumkin? Keling, qiziqib ko‘ramiz.

Moskva

Rayon: Sokol

O‘lchami: ikki xonali kvartira

Narxi: oyiga 50 000 rubl

Yaxshi ta'mirlangan xonadon. Markaz bo‘lmasa-da, Sokol qimmat rayonlardan biri.

London

Rayon: Friern Barnet

O‘lchami: studiya

Narxi: oyiga 780 funt  

London ijara haqi borasida Moskvani bemalol ortda qoldiradi. Shahar markazida bu pulga bir burchakda yashash mumkin, lekin shahar atrofida 50 kvadrat metrli studiyani ijaraga olsa bo‘ladi. 

Nyu-York

Rayon: Bruklin

O‘lchami: ikkita yotoqxona

Narxi: oyiga 970 dollar 

Manxettenda oyiga 1000 dollar to‘lab, omborxonada tunash mumkin. Lekin shahar chetida imkoniyatingiz oshadi. Masalan, Bruklinda mana bunday xonadonda yashash mumkin.

Dubay

Rayon: markaziy rayon

O‘lchami: basseyn va trenajyor zali bor kvartira 

Narxi: oyiga 970 dollar  

Savdo markazlari, shayxlar va qimmatbaho mashinalar shahrida ijaraga uy olish unchalik qo‘rqinchli emas. Dubaydagi ko‘plab o‘rtacha darajadagi kvartiralarning o‘lchami katta, deyarli barchasida umumiy fitnes-klub va basseyn mavjud.

Singapur

Rayon: Savannah Condopark

O‘lchami: uch xonali kvartira

Narxi: oyiga 1000 dollar  

Singapur sayyoramizdagi eng qimmat shaharlardan biri hisoblanadi, lekin ijara haqi hayratlanarli darajada qulay. Bu yerda oyiga ming dollar evaziga basseyn va hovlisi bor uy olsa bo‘ladi. 

Berlin

Rayon: Charlottenburg

O‘lchami: ikki xonali kvartira

Narxi: oyiga 920 yevro  

Ko‘plab teatr, muzey va restoranlar joylashgan tinch rayon.

Praga

Rayon: Praga 1

O‘lchami: uch xonali kvartira

Narxi: oyiga 950 dollar  

Pivo poytaxtida shaharning istalgan rayonidan ming dollarga ijaraga uy topish mumkin. Maydoni 82 kvadrat metrli mana bu uch xonali kvartira tarixiy binoda joylashgan.

Nyu-Dehli

O‘lchami: ikkita yotoqxonali kvartira

Narxi: oyiga 870 dollar

Nyu-Dehlida ijarachi 1000 dollarga 200 kvadrat metrli yashash joyi, mashinasi qo‘riqlanadigan parkingga ega bo‘ladi. Sovuq va issiq suv kunu tun uzilmaydi, oynadan park ko‘rinib turadi va har bir yotoqxonada vanna xonasi mavjud.

Teglar