Ижобий одатларни шакллантиришда доминонинг таъсири қандай?

Психология 26-11-2018

Ҳатто аҳамиятсиз фойдали одат ҳам бошқа ижобий ўзгаришларга олиб келади. Бундан ўз мақсадларингиз йўлида фойдаланиб, ҳаётингизни домино таъсири ёрдамида ўзгартиринг.

Домино таъсирига кўра, бир қатор қилиб тизилган домино доналари йиқилишида бўлгани каби ҳар бир ўзгариш ана шундай бошқа ўзгаришларга сабаб бўлади.

Фото: Pixabay

2012 йилда Шимолий-Ғарб университети олимлари тажриба жараёнида “ўтириш” тарзига камроқ вақт сарфлаган кишилар камроқ ёғ истеъмол қилишини сезишган. Тажриба иштирокчиларидан камроқ ёғ ейишни атайлаб сўрашмаган, бироқ уларнинг овқатланиши табиий равишда яхшиланган. Улар телевизор олдида ўтириб, ўйламасдан овқатланишга камроқ вақт сарфлашди. Бир одат бошқа одатга сабаб бўлди. Бу худди доминонинг бир донаси кейингисини йиқитадиган таъсирга ўхшайди.

Бундай қонуниятларни шахсий ҳаётингизда ҳам сезишингиз мумкин. Мисол келтираман: агар спорт залига боришга амал қилсангиз, ишга диққатни жамлаш осонлашгани ва тунда хотиржам ухлашингизни сезасиз.

Домино таъсири салбий одатлар учун ҳам ишлайди. Телефонни доимий равишда текшириш одати, ижтимоий тармоқлардаги хабарларни кўздан кечириш, оқибатда 20 дақиқани бекорга ўтказишга олиб келади.

Одатларимиз бир-бирига боғлиқ. Шунинг учун бирини ўзгартирсангиз, қолганлари ҳам ўзгаради.

Би Джей Фогг (BJ Fogg), Стэнфорд университети профессори

Домино таъсирининг бошқа томони

Домино таъсири икки сабаб туфайли юзага келади:

Кундалик ҳаётимизни ташкил қиладиган кўплаб одат ва ишлар бир-бири билан боғлиқ. Бир соҳадаги танлов режаларингиздан қатъий назар бошқа соҳалардаги кутилмаган натижаларга сабаб бўлади.

Домино таъсири одам хулқ-атворидаги асосий тамойилларга асосланади: мойиллик ва доимийлик.

Домино таъсири қоидаси

Ўзингиз домино таъсирини ишга туширишингиз мумкин. Бунинг учун учта қоидага амал қилиш керак:

Иштиёқингиз бўлган ишдан бошланг. У катта бўлмаса ҳам, сиз учун муҳими – доимийлик. Бу сизга нафақат ҳузур беради, ўз кўзингиз билан қандай одамга айланишингиз мумкинлигини кўрасиз. Доналар йиқилишни бошлаганида қайси дона биринчи бўлиб йиқилгани муҳим эмас.

Суръатни пасайтирманг ва бажаришингиз мумкин бўлган кейинги вазифани бошланг. Биринчи бажарилган ишнинг кучи кейинги ҳаракатга ундашига интилинг. Ҳар бир ана шундай қадам билан янги образга тобора яқинлашасиз.

Агар шубҳангиз бўлса, катта ишни бир неча кичикларига ажратинг. Янги одатни шакллантириш вақтида уни осон бажариладиган бўлишига ҳаракат қилинг. Домино таъсирининг маъноси натижада эмас, илгари одимлашда. Суръатни сақланг. Жараён давом этсин, бир донаси кейингисини йиқитаверсин.

Доналарни йиқилишга мажбур қиладиган бир неча усуллар бор. Сизга ёқадиган одатга диққатингизни қаратинг. Унинг таъсири ҳаётингизнинг барча соҳаларини ишга туширсин.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ