Инглиз тилини ўрганишнинг энг яхши усуллари

Оммабоп 21-01-2015

1. “YouTube”да инглиз тилида видео кўринг

“YouTube”да видео кўраётганда нафақат тилни, балки ўз маконингизни ҳам ўзгартиришингиз мумкинлигини биласизми? Агар ўз мамлакатингизни инглиз тилида сўзлашувчи мамлакатга ўзгартирсангиз ҳақиқий инглиз тилида сўзлашувчиларнинг роликларини топишингиз мумкин. “YouTube” инглиз тилидаги роликлар жудаям кўп!

2. Инглиз тилидаги субтитрли кўрсатув ва фильмларни томоша қилинг 

Бу сизнинг нутқингиз ривожланиши ва инглиз тилидаги сўзларни эслаб қолишингизга ёрдам беради. Унинг фойдасини тезда сезасиз. Асосийси, дангасалик қилмаслик!

3. Инглиз тилида блог юритинг 

Нималарни ўйлаётганингизни ёзинг ва ҳамма билан ўртоқлашинг. Сизга кимлардир жавоб қайтариши мумкин: уларга тил ўрганаётганингизни айтинг, эҳтимол улар сизнинг хатоларингизни тўғрилашар ва ўз билимлари билан сизга ёрдам беришар. 

4. Инглиз тилида қандай гапиришингизни тасвирга олинг 

Бу “YouTube”га жойлаштириладиган ролик ёки телефонга ёзиб олинган ролик ва ҳатто шунчаки оддий аудиоёзув бўлиши ҳам мумкин. Ўз ёзувларингизни инглиз тилидаги ёзувлар билан солиштиринг, талаффузингиз яхшиланишига эришасиз.

5. Инглиз тилидаги сайтлар, электрон китоблар, газета ва журналларни ўқинг 

Ўқиш сизга ёзма нутқни яхшироқ тушунишингизга ёрдам беради. Интернет берадиган чексиз имкониятлар орқали тил ўрганиш қийин эмас. Сиз янгиликлар ёки касбингизга оид маълумотларни ўқишингиз мумкин, асосийси нимани ўқишингиз эмас, инглиз тилидаги матнларни ўқишингиздир.

6. Мунозаралардаги иштирок 

Сизни қизиқтирадиган мавзу ёки хоббингиз борми? Бу ҳақда инглиз тилида гаплашишингиз мумкин. Форумлар ва ижтимоий тармоқларда ўз қизиқишингизга мос фикрловчи инсонлар билан суҳбатлашинг. 

7. Инглиз тилида сўзлашувчилар билан скайп орқали суҳбат қуринг 

Энг муҳим вазифалардан бири инглиз тилида гаплашувчилар билан жонли мулоқот қилишдир. Жонли мулоқот тилни осон ўрганишингизга ёрдам беради. Бу борада “italki” сервисидан фойдаланишингиз мумкин.

8. Ўйинлар ўйнанг 

Инглиз тилини ўрганишга мўлжалланган махсус ўйинларни ўйнанг. Бу усул ҳам тил ўрганишингизни, ҳам мароқли ҳордиқ чиқаришингизни таъминлайди. 

10. Ўз карточкаларингизни тузинг

Инглизча сўзларни карточкалар ёрдамида эслаб қолиш ҳам самара беради. Сиз учун қийин туюлган сўзларни махсус карточкаларга ёзиб қўйинг. Карточкалар тўплами орасидан бирорта карточкани суғуриб олинг ва унинг таржимасини айтинг. Жавобингизни текшириш учун эса карточканинг тўғри жавоб ёзиб қўйилган орқа томонига қаранг.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

  • Emilyan
    1 йил олдин


    Yana boshqa usullari ham mavjud bo'lib bular quyidagilar: 1. Telegramdagi ingliz tilini o'rganuvchilar uchun maxsus guruhlar va botlar mavjud ularga a'zo bo'ling. 2. Movie club (Maxsus Ingliz tilidagi kinolar subtitrlari bilan)larga boring. U yerda kino tagida uning yozuvi mavjud. Filmdan so'ng o'z fikringizni bildirishingiz mumkin yoki xohlasangiz bunday qilmasligingiz mumkin. 3. Speaking clublar ham shular jumlasiga kiradi. 4. Ingliz tilidagi qo'shiqlarni ko'proq tinglang. 5. Eng asosiysi ingliz tilini biladigan do'stlar orttiring. Ular bilan ko'proq ingliz tilida suhbatlashing. Xullas nima bo'lsa ham inglizchasiga bajaring, shunda bu tilni yaxshiroq o'rganasiz.

  • Azizbek
    2 йил олдин


    Rahmat malumot uchun
Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ