Женева 2015: Авто янгиликлар

Техника 4-03-2015

Женева ўтаётган бу йилги автомобиллар кўргазмаси премьералар сони борасида рекорд қайд этмаса-да, унда компаниялар автомобиль ишқибозларини бефарқ қолдирмайдиган суперкарларни тақдим этмоқда. Қуйида Женевада тақдим этилаётган бир нечта автомобиль билан танишасиз.

 

“Porsche” энг тезюрар “911” моделини намойиш этди

Янги автомобилга 500 от кучига эга тўрт литрли мотор ўрнатилган. Спорткар 3,3 сония ичида тезлигини нолдан юз километрга етказа олади, 10,9 сония ичида эса тезлиги соатига 200 километрга чиқади. Автомобилнинг максимал тезлиги соатига 320 километр тезлик билан чекланган.

Автонинг оғирлиги 1420 килограмм бўлиб, у оддий “911 GT3”дан 85 килограммга енгилдир. Янги автомобиль яқин ойлар ичида савдога чиқади. Унинг минимал нархи 181 минг 690 еврога тенг бўлади.

 

Энг кичкина “Lexus”га тўрт киши сиғади

“Lexus” компанияси тўрт киши сиғадиган “LF-SA” компакт-карини намойиш этди. У “MINI Cooper” ва “Audi A1”га рақобатчи бўлиши мумкин.
Янги моделнинг узунлиги 3450 миллиметр, эни – 1700 миллиметр, баландлиги эса 1430 миллиметрга тенг.

Ҳайдовчи ўриндиғи олдинга ёки орқага силжимайди, лекин руль ва педаллар мослашиш функциясига эга.
Салоннинг орқа қисмига олд эшикдан ўтилади, бунинг учун олд ўриндиқлар йиғиштирилади.
“Lexus LF-SA”нинг ичи катта проекцион “голографик” дисплейи билан ажралиб туради.

 

KIA янги концептини намойиши этди

Kia компанияси  “Sportspace” деб номланувчи янги концептини тақдим этди. Янги автомобиль дизайни Kia’нинг Франкфуртдаги студиясида Audi TT’нинг биринчи авлоди интерьерини ишлаб чиққан Питер Шрейер иштирокида тайёрланди.

Автомобилга 2,0 литрли тўрт цилиндрли “T-GDI” бензинли турбомотори ўрнатилади. Унинг қуввати 250 от кучини ташкил этади.
Автомобилнинг узунлиги 4, 885 мм, эни 1, 870 мм ва баландлиги 1, 425 мм.га тенг бўлиб, ғилдирак базаси 2, 840 миллиметрдир. Юкхона бўлими 28та шарчадан иборат махсус тизим билан жиҳозланган бўлиб, улар оғир юкларни ташишда ёрдам беради.

 

Infiniti Женевада QX30 концепт-карини тақдим этади

Infiniti QX30 концепт-карини тақдим этади. Узунлиги 4,5 метр бўлган кроссовери асосан 40 ёшгача бўлган инсонлар учун чиқарилган бўлиб, унда асосий эътибор дизайнга қаратилган. 

Автомобилга ҳажми 2 литрли бензин-турбомотори ва етти босқичли автомат узатмалар қутиси, 21 дюймли ғилдирак ўрнатилган. Салондаги ўриндиқлар максимал даражада юпқа қилинган бўлиб, бу салонда ўтирганларнинг бир-бирлари билан мулоқат қилишда қулайли яратади. 

 

“Bentley” “EXP 10 Speed 6” концептуал купесини намойиш этади

“Bentley” компанияси “EXP 10 Speed 6 concept” концептуал спорткупеси намойиш этади.
Икки ўринли “Bentley EXP 10 Speed 6” купеси “Continental GT” модели услубида тайёрланган бўлиб, ўлчами ва кузов орқа қисмининг дизайни боис анчагина спорт услубида кўринади.

Автомобиль салони жигарранг чармли иккита спорт ўриндиғи, алюминий, мис ва олча дарахтидан тайёрланган узатмалар қутиси ричаги ҳамда 12 дюймли сенсор дисплей билан жиҳозланган.

“Bentley ” вакилларининг айтишларича, янги модель келажак автомобили учун намуна бўлади. Моделнинг техник хусусиятлари ҳақида ҳозирча маълумот берилмади.

 

Audi компанияси 100 кмга 1,6 литр ёқилғи сарфлайдиган автомобиль тақдим этди

Женевада Audi компанияси Prologue автомобилини тақдим этди. Концепт V6 турбодизели ва 455 от кучига эга электромотор билан жиҳозланган. Prologue 100 км/соат тезликка чиқиш учун 5,1 сония сарфлайди. Энг юқори тезлиги 250 км/соат. Автомобиль 100 км масофага 1,6 литр ёқилғи сарфлайди.

Компания вакиллари Prologue янги авлод автомобили ёки А9 флагман автомобилининг давомчиси бўлиши ҳақида маълумот бермаган.

Автомобиль Европада 2015 йилнинг ёз ойида, Россияда эса 2016 йилдан сотувга чиқарилади.

 

Янги “Mercedes-Benz Pullman”ни ярим миллион еврога баҳолашди

“Mercedes-Benz” “S-Class”нинг энг қиммат ва энг узун версияси – “Pullman” лимузинини намойиш этди. Ушбу автомобиль ҳақидаги батафсил маълумотлар февраль ўрталаридаёқ эълон қилинганди. Янги маълумот эса унинг нархи билан боғлиқ. Дастлаб янги машина “570 минг доллар атрофида” бўлади, деб тахмин қилинганди. Энди эса “Мерседес” бу маълумотни расман тасдиқлади: унинг нархи 566 минг доллардан бошланади.

Янги машинанинг ғилдирак базаси илгариги “Пульман”никидан 103 миллиметрга узун ва 4418 миллиметрга тенг. Автомобилнинг узунлиги 6499 ва баландлиги 1598 миллиметр. Лимузинни 12 цилиндрли 530 от кучига эга олти литрли битурбомотор ҳаракатга келтиради.

“Пульман”нинг орқа қисмига тўртта ўриндиқ ўрнатилган (бир-бирига қарама-қарши жойлашган иккитадан ўриндиқ).
Иккита ўриндиқ 43,5 даражага орқага ётиши мумкин. Машина “Burmester” мусиқа тизими билан жиҳозланган.
“Mercedes-Pullman” сотувга 2016 йилдан чиқади.

 

Lamborghini ўта тезюрар Aventador моделини намойиш этди

«Lamborghini» компанияси «Aventador» суперкарининг «LP750-4 SV» деб номланган (Superveloce – итальянча «ўта тезюрар») модификациясини расман таништирди. Янги машинанинг илк намойиши Женева автосалонида бўлиб ўтди.

Автомобиль оддий «Авентадор»дан 50 килограмм енгилроқ бўлди. Уни ишлаб чиқаришда асосан, углепластикдан кенг фойдаланилган. Масалан, эшик панеллари, орқа антиқанот, ўриндиқлар каркаслари карбондан тайёрланган. Машинанинг оғирлиги 1 тонна 525 килограммни ташкил этади.

Автомобиль 750 от кучига эга 6,5 литрли V12 двигатели билан жиҳозланган. Суперкар 2,8 сония ичида тезлигини соатига 100 километрга ошира олади. Унинг максимал тезлиги соатига 350 километрни ташкил этади.

“Ниссан” бўлажак моделларининг дизайнини тақдим этди

“Nissan” компанияси Женева автосалони доирасида келажакдаги компакт моделлар қандай услубда ишлаб чиқарилишини кўрсатиб берувчи “Sway” концепт-карини намойиш этди.
Компания берган маълумотга қараганда, унинг узунлиги – 4010 миллиметр, эни – 1780 миллиметр, баландлиги – 1385 миллиметр бўлади. Ғилдирак базасининг ўлчами 2570 миллиметрни ташкил этади.

Ушбу прототип “Микра”нинг ҳозирги авлодидан 230 миллиметр узунроқ бўлди, ғилдирак базаси эса 135 миллиметрга ошди. Машинанинг эни 155 миллиметрга кенгайди ва баландлиги 140 миллиметрга пасайди. Дизайнига келадиган бўлсак, у олдинги концепт-карлар – “Lanina” ва “IDx” услубида ишланган.
“Ниссан”нинг “Sway” услубидаги илк модели бозорга қачон чиқиши ҳозирча номаълум.

Ўқишни тавсия этамиз: 

Мукаммал автомобиллар заводи

Йўл танламас Rolls-Royce

Ноодатий ғилдиракларга эга автомобиллар

Сотилмай занглаган автомобиллар



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ