Jiddiy kasalliklardan darak beruvchi 7 og‘riq

  • 12:50 / 04.02.2015
  • 16893

Salomatlikka loqaydlik qilish hayot uchun xavfli bo‘lishi mumkin. Hech qayerimiz bezovta qilmasa ham shifokorga uchrash yoki tibbiy ko‘rikdan o‘tish xayolimizga ham kelmaydi. Hech bo‘lmaganda tanamizning biror a'zosida qandaydir og‘riqlar paydo bo‘lsa, ularga befarq bo‘lmaslik haqida ham hozirgi paytda kamchilik bosh qotirayapti. E'tiboringizga e'tiborsizlik bilan qaralmasligi kerak bo‘lgan 7 xil og‘riq haqida ma'lumotlarni havol etayapmiz. O‘zingizni ehtiyot qiling. Sog‘lig‘i haqida qayg‘ursangiz, ijtimoiy tarmoqlarda do‘stlaringizga ham bu maqolani o‘qishni tavsiya eting. 

"Momaqaldiroq zarbi" bosh og‘rig‘i

Bu nimani keltirib chiqarishi mumkin: arteriyadagi shishish

Nima qilish kerak: Agar boshigizda to‘satdan shunday qattiq og‘riq tursa, shifokorni chaqirtiring. yana boshingiz aylanib, ko‘zingiz xiralashishi ham mumkin. Anevrizmning yorilishi natijasi miyadan qon ketishi tez uchraydi. Biroq u sodir bo‘lganda xavotirlanmaslik ham yaxshi emas. Jarrohlar o‘sha noziklashib qolgan nuqtani mustahkamlab, hayotingizni saqlab qoladilar.

Sizni uyg‘otib yuboradigan darajadagi tish og‘rig‘i

Bu nimani keltirib chiqarishi mumkin: tishning yedirilishi

Nima qilish kerak: Tishlarni g‘ichirlatish odati ulardagi nervlarning zararlanishi va emal qatlamining tushib ketishiga sabab bo‘ladi. U tishlaringizni ildizidan darz ketishi va ohir oqibat to‘kilishigacha olib kelishi mumkin. Darrov tish shifokoriga muammoni hal qilishi uchun murojaat qilish kerak. Stress tufayli yuzaga keladigan tish g‘ichirlatish odatini maxsus muolaja va dori-darmonlar orqali bartaraf etsa bo‘ladi.

Ichak tomonga qarab o‘tkirlashib boradigan kuchsizroq qorin og‘rig‘i

Bu nimani keltirib chiqarishi mumkin: ko‘richak

Nima qilish kerak: Agar shunday o‘zgarishni sezsangiz, to‘g‘ri shifoxonaga boring. (Odatda bu kasallik 24 soat ichida xuruj qiladi.) Tezroq jarrohlik stoliga yotishingizga to‘g‘ri keladi. Agar appenditsit yorilsa, ichakka zararli bakteriyalar tarqashi mumkin. Bu esa juda xavfli. 

Shamollagan paytda belning o‘rtasida og‘riq turishi

 Bu nimani keltirib chiqarishi mumkin: buyrakka infeksiya tushishi

Nima qilish kerak: Isitmangiz ko‘tarilsa, ko‘nglingiz aynisa va belingizda og‘riq paydo bo‘lsa oddiy qorin virusli kasalligi, deb bee'tibor bo‘lish yaramaydi. Bu sharoitda bakteriyalar peshob yo‘li va buyrakka zarar yetishi va infeksiya xavfi ko‘payishi mumkin. Bunday paytda tezda antibiotiklar qabul qilib, doktorni chaqirtirish zarur. 

Sonda og‘riq paydo bo‘lishi

Bu nimani keltirib chiqarishi mumkin: Chuqur venalar trombozi

Nima qilish kerak: Oyog‘ingizning son qismida og‘riq sezsangiz, sizda chuqur venalar trombozi ya'ni chuqur qatlamdagi venlarida qon qotishi xastaligi boshlanayotgan bo‘lishi mumkin. Bunday tromboz tug‘uruqni nazorat qiladigan preparatlar iste'mol qilishdan yoki uzoq vaqt mashina xaydash orqali toliqishdan kelib chiqadi. Oyog‘ingiz butunlay shishib ketmasidan yoki og‘riq darrov yomonlashmasidan bir kun ichida tibbiyot xodimlariga murojaat qiling. Lekin bundan kechiktirish bilan sog‘ligingizni jiddiy xavfga qo‘yasiz. Qondagi tromblar kattalashib yoki yorilib ketishi, o‘pkalar tomon harakatlanishi va qon oqimini to‘xtatib qo‘yishi mumkin. 

Dori-darmonlar bilan o‘tib ketmayotgan oy tutilishi spazmlari

Bu nimani keltirib chiqarishi mumkin: Endometrioz

Nima qilish kerak: Maxsus davo usullari va dorilar yordam bermasa, bu sharoitdan xavotirlanish arzirli. Endometrioz tug‘ishga to‘sqinlik qiladi. Ma'lumotlarga qaraganda, 40-60 foiz ayollarda bu kasallik tufayli kuchli og‘riqlar turadi. Kasallik to‘liq aniqlangunicha, shifokoringiz kontraseptiv vositalardan foydalanishni boshlashingizni maslahat berishi mumkin. 

Kuraklaringiz orasidagi tushuntirib bo‘lmas og‘riq

Bu nimani keltirib chiqarishi mumkin: yurak xuruji

Nima qilish kerak: Yurak xurujiga uchragan odamlarning 30 foizi odatiy ko‘krak bosimini boshdan o‘tkazmas ekan. Ayollarda asosan kuraklar o‘rtasida og‘riq turadi, shuningdek jag‘ og‘rig‘i, ko‘ngil aynishi va nafas tiqilishi bezovta qiladi. Yuqoridagi simptomlar sizda kuzatildimi, darrov shifokorga ko‘rining. Agar yurak xuruji boshlanayotganini sezsangiz kimdirdan o‘z mashinasida sizni kasalxonaga olib borib qo‘yishini so‘ramang. Bunday paytda tez yordam mashinasi yaxshi tanlov bo‘ladi. Chunki tez yordam xizmati xodimlari shifoxonaga yetkazilguningizgacha ham sizga tibbiy g‘amxo‘rlik qila oladilar. 

Xullas, qayeringizdir bezovta qilsa, yotoqqa mixlanguncha kutish shart emas. Sog‘lig‘ingiz haqida o‘z vaqtida qayg‘uring! Sizda esa endi "shubhali og‘riqlar" ro‘yxati bor.

Teglar