Jigar uchun eng xavfli mahsulot ma'lum qilindi

  • 07:38 / 06.03.2019
  • 8779

Ratsionda go‘shtning ko‘pligi jigar kasalliklari xavfini oshiradi. Bu nafaqat steyk, balki tovuq hamda kurka go‘shti va yog‘siz go‘shtli taomlarga ham tegishli deya ma'lum qilmoqda Erazm Rotterdam (Niderlandiya) tibbiyot universitiyeti rahbari.

Tadqiqotlar shuni ko‘rsatdiki, oqsilni asosan hayvon mahsulotlaridan oladigan kishilar jigarning alkogolsiz yog‘ kasalliklariga 54 foizga ko‘proq moyildirlar, deya xabar bermoqda Gut jurnali.

Bu ilk bosqichlardagi buzilish bemorga noqulaylik keltirishi mumkin. Biroq vaqt o‘tishi bilan sirroz va jigar yetishmovchiligi kabi og‘ir kasalliklar rivojlanishi mumkin.

Tajriba davomida olimlar 3 882 nafar kishining ovqatlanish ratsionini o‘rganishdi va jigarlari holatini tahlil qilishdi. Ularning o‘rtacha yoshi 70 yosh edi.

Natijada ishtirokchilarning 34 foiziga (1 337) jigarning alkogolsiz yog‘ kasalliklari tashxisi qo‘yildi. Ularning deyarli barida (1 205) ortiqcha vazn mavjud edi.

Go‘shtli mahsulotlarni ko‘p iste'mol qilganlarning kasallikka chalinish xavfi o‘simlik parheziga moyil bo‘lganlarga qaraganda yarim baravar ko‘proqligi aniqlangan.

Natija ratsionning kaloriyaga boyligi bilan bog‘liq bo‘lmadi – «go‘shtxo‘rlar» 1 996 kkal, «vegetarianlar» esa 2 052 kkal olishgan.

Tadqiqotchilar go‘sht jigarda to‘planib, uning ishini og‘irlashtiradigan ko‘p miqdordagi to‘yingan yog‘lar manbai hisoblanadi degan xulosaga kelishdi.

Oqsil organizmning to‘laqonli faoliyati uchun zarur, biroq uni nafaqat go‘shtdan, balki baliq, tuxum, dukkaklilar, yong‘oq va qo‘ziqorindan ham olish mumkin.

Eslatib o‘tamiz, O‘rtayer dengizi parhezi bir necha marta eng foydali deb tan olingan. U nafaqat ichki organlarni baquvvat qiladi, balki zo‘riqish ehtimolini ham kamaytiradi. 

 

Teglar