Kashnichning sog‘liqqa foydasini bilasizmi?

  • 16:10 / 19.12.2014
  • 5887

Kashnich dasturxonimizda o‘z o‘rniga ega. U taomlarga maza berish bilan birga, kayfiyatimizni ko‘tarib, umrni uzaytirishga xizmat qiladi.

Asosan, Kavkaz xalqlari oshxonasida  qo‘llaniladigan bu ko‘kat sog‘lik uchun foydali bo‘lib, ko‘plab kasalliklarning oldini olishda yordam beradi.

Uning takibidagi efir yog‘lari, vitaminlar va antioksidantlar yurak-qon-tomir tizimi faoliyatini yaxshilaydi. Kashnich o‘zida ko‘p miqdorda kaliy va natriy yog‘larini saqlaydi. Bu o‘z o‘rnida gipertoniya, arterial qon bosimi va yurak qisqarishini nazorat qiladi.  Kaliy va natriyning zimmasidagi yana bir vazifa qondagi qand miqdorini me'yorlashtirishdir.

Kashnich ko‘ngil aynishini koldirib, oshqozon va ichakdagi fermentlarni faollashtirishga yordam beradi. Qorin dam bo‘lishini kamaytiradi. U organizmdagi har xil toksinlar va og‘ir metallarni quvishga qodir.

Kashnichdan mikroblarga qarshi kurashda, bundan tashqari, og‘iz bo‘shlig‘i gigiyenasi, milklar yallig‘lanishida samarali foydalanish mumkin. Kashnich erkin radikallar darajasini tushiradi, surunkali yallig‘lanish va saraton xavfini kamaytiradi, qarish jarayonini sekinlashtiradi. 

Mushaklarni va asab tizimini bo‘shashtirib, tinchlantiradi. Tarkibidagi magniy va V vitaminining ko‘pligi sabab stressning oldini oladi. 

Teglar